Маңғыстау облысында бүгін, 2025 жылы 6 маусымда кен орнында апатты жағдай орын алды. Оқиға орнына барлық төтенше қызметтер шұғыл атанды, деп хабарлайды Dalanews.kz.
Өңірлік ТЖД баспасөз қызметінің хабарлауынша, Бейнеу ауданында 2025 жылы 6 маусымда "Толқын" кен орнындағы №57 ұңғымада авариялық жағдай орын алды.
"Varro Operating Group" ЖШС-нің "Толқын" кен орнындағы №57 ұңғымадан газ-су қоспасының өртсіз шығуы тіркелді. Апат салдарынан зардап шеккендер жоқ. Қазіргі уақытта ұңғыманың трубалық кеңістігінен газ-су қоспасының шығуы жалғасуда", делінген төтеншеліктер хабарламасында.
Авариялық жағдайды жою үшін оқиға орнына Маңғыстау облысы Төтенше жағдайлар департаментінен – 10 бірлік техника, 32 қызметкер және 1 ұшқышсыз ұшу аппараты жұмылдырылды. Сонымен қатар:
- "Ақберен" ЖШС,
- "Оңтүстік мұнай сервис" ЖШС,
- "Nobilis Corp" ЖШС,
- "Varro Operating Group" ЖШС-нің күштері мен құралдары тартылды.
Бұған дейін қоршаған ортаны ластаған Өскемен титан-магний комбинатына 24 миллион теңге айыппұл салынғанын жазғанбыз.
