ماڭعىستاۋ وبلىسىندا بۇگىن، 2025 جىلى 6 ماۋسىمدا كەن ورنىندا اپاتتى جاعداي ورىن الدى. وقيعا ورنىنا بارلىق توتەنشە قىزمەتتەر شۇعىل اتاندى، دەپ حابارلايدى Dalanews.kz.
وڭىرلىك تجد باسپا ءسوز قىزمەتىنىڭ حابارلاۋىنشا، بەينەۋ اۋدانىندا 2025 جىلى 6 ماۋسىمدا "تولقىن" كەن ورنىنداعى №57 ۇڭعىمادا اۆاريالىق جاعداي ورىن الدى.
"Varro Operating Group" ءجشس-نىڭ "تولقىن" كەن ورنىنداعى №57 ۇڭعىمادان گاز-سۋ قوسپاسىنىڭ ءورتسىز شىعۋى تىركەلدى. اپات سالدارىنان زارداپ شەككەندەر جوق. قازىرگى ۋاقىتتا ۇڭعىمانىڭ ترۋبالىق كەڭىستىگىنەن گاز-سۋ قوسپاسىنىڭ شىعۋى جالعاسۋدا"، دەلىنگەن توتەنشەلىكتەر حابارلاماسىندا.
اۆاريالىق جاعدايدى جويۋ ءۇشىن وقيعا ورنىنا ماڭعىستاۋ وبلىسى توتەنشە جاعدايلار دەپارتامەنتىنەن – 10 بىرلىك تەحنيكا، 32 قىزمەتكەر جانە 1 ۇشقىشسىز ۇشۋ اپپاراتى جۇمىلدىرىلدى. سونىمەن قاتار:
- "اقبەرەن" ج ش س،
- "وڭتۇستىك مۇناي سەرۆيس" ج ش س،
- "Nobilis Corp" ج ش س،
- "Varro Operating Group" ءجشس-نىڭ كۇشتەرى مەن قۇرالدارى تارتىلدى.
بۇعان دەيىن قورشاعان ورتانى لاستاعان وسكەمەن تيتان-ماگنيي كومبيناتىنا 24 ميلليون تەڭگە ايىپپۇل سالىنعانىن جازعانبىز.
