قازاقستان مەملەكەتتٸك باسقارۋداعى مٸنەز-قۇلىق تەسٸلدەرٸن قولداناتىن ۇيىمداردىڭ جاھاندىق كارتاسىندا العاش رەت رەسمي تٷردە ۇسىنىلدى, دەپ حابارلايدى dalanews.kz.
2026 جىلدىڭ ماۋسىمىندا نازارباەۆ ۋنيۆەرسيتەتٸ جانىنداعى ۇلتتىق اناليتيكالىق ورتالىقتىڭ مەملەكەتتٸك باسقارۋ جەنە مٸنەز-قۇلىق ساياساتى ورتالىعى ەكونوميكالىق ىنتىماقتاستىق جەنە دامۋ ۇيىمىنىڭ (وەسر) مەملەكەتتٸك سەكتورداعى يننوۆاتسييالار وبسەرۆاتوريياسىنىڭ حالىقارالىق بازاسىنا ەنگٸزٸلدٸ.
بۇل بازاعا مەملەكەتتٸك ساياسات پەن مەملەكەتتٸك قىزمەتتەردٸڭ تيٸمدٸلٸگٸن ارتتىرۋ ٷشٸن مٸنەز-قۇلىق تەسٸلدەرٸن قولداناتىن 63 ەلدەگٸ 300-گە جۋىق ۇيىم ەنگەن. قازاقستان وسى ۋاقىتقا دەيٸن اتالعان جاھاندىق كارتادا ۇسىنىلماعان بولاتىن.
ورتالىقتىڭ حالىقارالىق بازاعا قوسىلۋى قازاقستاننىڭ مەملەكەتتٸك باسقارۋدى جاڭعىرتۋ, عىلىمي نەگٸزدەلگەن شەشٸمدەردٸ ەنگٸزۋ جەنە مەملەكەتتٸك ساياساتتىڭ تيٸمدٸلٸگٸن ارتتىرۋ باعىتىنداعى جۇمىسىنىڭ نەتيجەسٸ رەتٸندە باعالانىپ وتىر.
مەملەكەتتٸك باسقارۋ جەنە مٸنەز-قۇلىق ساياساتى ورتالىعى – قازاقستانداعى وسى باعىتتا جۇمىس ٸستەيتٸن العاشقى مامانداندىرىلعان قۇرىلىم. ورتالىق مەملەكەتتٸك ورگاندار ٷشٸن زەرتتەۋلەر جٷرگٸزٸپ, مٸنەز-قۇلىق قۇرالدارىن ەزٸرلەيدٸ, ولاردى سىناقتان ٶتكٸزٸپ, عىلىمي-ەدٸستەمەلٸك قولداۋ كٶرسەتەدٸ.
بۇل جۇمىس قازاقستاننىڭ مەملەكەتتٸك باسقارۋدى دەرەكتەرگە, عىلىمي زەرتتەۋلەرگە جەنە شەشٸمدەردٸ الدىن الا تەستٸلەۋگە نەگٸزدەلگەن جاڭا مودەلگە كٶشٸرۋ ستراتەگيياسىنىڭ بٸر بٶلٸگٸ سانالادى.
كەسٸبي قۇزىرەتتەردٸ دامىتۋ ماقساتىندا ۇلتتىق اناليتيكالىق ورتالىق مٸنەز-قۇلىق عىلىمى سالاسىنداعى ەلەمدٸك كٶشباسشىلاردىڭ بٸرٸ سانالاتىن بريتاندىق Behavioural Insights Team (BIT) ۇيىمىمەن ىنتىماقتاستىق ورناتقان.
سوڭعى ون جىلدا كٶپتەگەن مەملەكەتتەر مەملەكەتتٸك باسقارۋدا مٸنەز-قۇلىق عىلىمىنىڭ مٷمكٸندٸكتەرٸن بەلسەندٸ پايدالانا باستادى. مۇنداي تەسٸلدەر دەنساۋلىق ساقتاۋ, سالىق جٷيەسٸ, ەلەۋمەتتٸك ساياسات جەنە كٶلٸك سالالارىندا كەڭٸنەن قولدانىلادى.
مٸنەز-قۇلىق قۇرالدارىنىڭ باستى ەرەكشەلٸگٸ – ازاماتتاردىڭ تاڭداۋ ەركٸندٸگٸن شەكتەمەي, ولاردىڭ شەشٸم قابىلداۋ ورتاسىن جەتٸلدٸرۋ ارقىلى قاجەتتٸ نەتيجەگە قول جەتكٸزۋ.
قازاقستاندا بۇل تەسٸلدەر تەجٸريبە جٷزٸندە دە قولدانىلىپ ٷلگەردٸ. ۇلتتىق اناليتيكالىق ورتالىق BIT ساراپشىلارىمەن جەنە Magnum Cash & Carry ساۋدا جەلٸسٸمەن بٸرلەسٸپ «ەكونوميكالىق پاتريوتيزمدٸ» ىنتالاندىرۋعا باعىتتالعان پيلوتتىق جوبا جٷزەگە اسىردى.
2026 جىلدىڭ ناۋرىز-سەۋٸر ايلارىندا استاناداعى سەگٸز سۋپەرماركەتتە قازاقستاندىق ٸرٸمشٸكتەردٸ ساتىپ الۋدى ىنتالاندىراتىن ۆيزۋالدى جەنە دىبىستىق قۇرالدار سىناقتان ٶتكٸزٸلدٸ. دٷكەندەردە «قازاقستاندا جاسالعان» دەگەن بەلگٸلەر, باننەرلەر, سٶرە بٶلگٸشتەرٸ مەن اۋديوحابارلامالار قولدانىلعان.
جوبا نەتيجەسٸندە باعالاردى ٶزگەرتپەي جەنە ەكٸمشٸلٸك شارالار ەنگٸزبەي-اق قازاقستاندىق ٸرٸمشٸكتەردٸڭ ساتىلىمى 20 پايىزعا ارتقانى تٸركەلدٸ.
كەيٸن بۇل تەجٸريبە كەڭەيتٸلٸپ, ساۋدا جەنە ينتەگراتسييا مينيسترلٸگٸ, «QazTrade» اق جەنە ٶڭٸرلٸك ساۋدا باسقارمالارىنىڭ قاتىسۋىمەن رەسپۋبليكا كٶلەمٸندە ەنگٸزٸلە باستادى.
وەسر-دٸڭ مەملەكەتتٸك سەكتورداعى يننوۆاتسييالار وبسەرۆاتوريياسى مەملەكەتتٸك باسقارۋداعى وزىق تەجٸريبەلەر مەن يننوۆاتسييالىق شەشٸمدەردٸ جيناقتايتىن حالىقارالىق الاڭ بولىپ سانالادى.
قازاقستاندىق ورتالىقتىڭ جاھاندىق كارتاعا ەنگٸزٸلۋٸ ەلدٸڭ مەملەكەتتٸك باسقارۋداعى زاماناۋي تەسٸلدەردٸ ەنگٸزۋ باعىتىنداعى پوزيتسيياسىن كٷشەيتٸپ, حالىقارالىق تەجٸريبە الماسۋعا جاڭا مٷمكٸندٸكتەر اشادى.
