يەمەندە حۋسيتتەر تۇتقىنىندا بولعان بۇۇ ادام قۇقىقتارى جٶنٸندەگٸ باسقارماسىنىڭ قىزمەتكەرٸ مۇحاممەد ەل-شامي قايتىس بولدى. وسىعان بايلانىستى ۇيىم تەۋەلسٸز تەرگەۋ جٷرگٸزٸپ, قالعان قىزمەتكەرلەردٸ بوساتۋدى تالاپ ەتتٸ, دەپ حابارلايدى dalanews.kz.
بۇۇ مەلٸمەتٸنشە, مۇحاممەد ەل-شامي 2024 جىلعى 6 ماۋسىمنان بەرٸ حۋسيتتەردٸڭ قولىندا بولعان. ونىڭ وتباسى قىزمەتكەردٸڭ بٸر ايدان استام ۋاقىت بۇرىن قايتىس بولعانىن جاقىندا عانا بٸلگەن. الايدا ٶلٸمٸنٸڭ سەبەبٸ مەن مەن-جايى تۋرالى ولارعا ەشقانداي اقپارات بەرٸلمەگەن.
بۇۇ-نىڭ ادام قۇقىقتارى جٶنٸندەگٸ جوعارعى كوميسسارى فولكەر تيۋرك حۋسيتتەر بيلٸگٸنەن وقيعانى جەدەل, اشىق ەرٸ تەۋەلسٸز تەرگەۋدٸ تالاپ ەتتٸ. سونداي-اق ول مەديتسينالىق جەنە قاماۋدا ۇستاۋعا قاتىستى قۇجاتتاردى جارييالاپ, دەلەلدەردٸ ساقتاۋدىڭ جەنە ٶلٸمنٸڭ سەبەبٸن تەۋەلسٸز ساراپتاۋدىڭ ماڭىزىن اتاپ ٶتتٸ.
بۇۇ باس حاتشىسى انتونيۋ گۋتەرريش تە قىزمەتكەردٸڭ قازاسىنا بايلانىستى كٶڭٸل ايتىپ, يەمەندەگٸ بارلىق تۇتقىندالعان ۇيىم قىزمەتكەرلەرٸن دەرەۋ بوساتۋعا شاقىردى.
قازٸرگٸ ۋاقىتتا حۋسيتتەر تۇتقىنىندا 70 بۇۇ قىزمەتكەرٸ, ۇيىمنىڭ بۇرىنعى بەس قىزمەتكەرٸ جەنە ونداعان گۋمانيتارلىق ۇيىم مەن ازاماتتىق قوعام ٶكٸلدەرٸ قالىپ وتىر.
يەمەندەگٸ حۋسيتتەر 2014 جىلى ەل استاناسى سانا قالاسىن باسىپ العاننان كەيٸن ەلدە قارۋلى قاقتىعىس جالعاسىپ كەلەدٸ. 2024 جىلى ماۋسىمدا حۋسيتتەر اقش پەن يزرايلگە قاتىسى بار تىڭشىلىق جەلٸسٸنە مٷشە دەگەن ايىپپەن بٸرقاتار ادامدى ۇستاعانىن مەلٸمدەگەن.
بۇۇ ۇستالعان قىزمەتكەرلەردٸڭ دەرەۋ ەرٸ ەشقانداي شارتسىز بوساتىلۋىن تالاپ ەتٸپ وتىر.
