Iorg Kýkistyń aitýynsha, nemister 1 tamyzdan bastap Reseiden kómir satyp alýdy kúrt toqtatsa, munaidy 1 jeltoqsannan bastap toqtatpaqshy.
Germaniianyń Qarjy ministri eń qiyn kezeń alda ekenin atap ótti. Ol birqatar EýroOdaq elderi Reseiden aldaǵy ýaqytta 158 mlrd tekshemetr gaz satyp alýyn toqtatqanda, kóptegen qiyndyqtar týyndaýy múmkin ekenin jasyrmady.
Búginde Resei Germaniiaǵa qajetti kómirdiń 40%-yn, munaidyń da 40%-yn tasymaldap otyrǵany belgili. Az ǵana ýaqyt ishinde ógizdi de óltirmei, arbany da syndyrmai tyǵyryqtan shyǵý nemis biligine úlken syn bolyp tur.
Qazirgi tańda Germaniia suiytylǵan gazdy qabyldaityn terminaldardy keńeitý isimen qarqyndy túrde ainalysyp jatyr. Osylaisha olar Resei gazyna táýeldilikten qutylýdyń amalyn qarastyrýda.
Aldaǵy ýaqytta Katar men AQSh Eýropaǵa 30 mlrd tekshemetr suiytylǵan gaz jetkizýge kózdep otyr. Osylaisha EýroOdaq elderi qystyń kózi qyraýda Pýtin gaz qubyrynyń shúmegin keri burap qoiýynan qaýiptenip, qazirden bastan qamdanyp jatyr.
