Basty aıyptalýshy Abzal Shynasyldyń advokaty sot úkimimen kelispeı, apelásıaǵa shaǵym túsiretinin málimdedi, dep habarlaıdy Dalanews.kz.

Advokat Ábenovtyń aıtýynsha, sottyń shyǵarǵan sheshimi ádiletsiz jáne 23 jyldyq jaza tym aýyr.

"Bul sheshimmen eshkim kelispeıdi, halyq ta barlyǵyn kórip-bilip otyr. Biz aıtarymyzdy sot barysynda aıttyq, al qalǵan dálelderimizdi endi apelásıada usynamyz", – dedi ol.

Sonymen qatar advokat jasóspirimniń ólimine ákesi Qarjaýbaıdyń ózi sebepker bolýy múmkin ekenin aıtyp otyr.

"Pyshaqty ákesi Qarjaýbaıdyń ózi paıdalanýy múmkin nemese túsirip alǵan pyshaǵyn basqa bireý kóterip alýy da ǵajap emes. Abzaldyń bul jerde esh jazyǵy joq. Ol alǵashqyda shyndyqty bilmegendikten kináni moınyna aldy, biraq keıin bárin ashyp aıtty. Alaıda sot onyń sózine senbedi. Bizdiń elde adamǵa kináni májbúrlep moıyndatý qıyn sharýa emes", – dedi Ábenov sot zalynan shyqqan soń jýrnalıserge bergen suhbatynda.

Búgin Talǵarda kisi qolynan qaza tapqan jasóspirim Sherzat Polattyń isi boıynsha sot prosesi aıaqtaldy.