Kókshetaýda Aqmola oblystyq sotynyń ishki qaýipsizdik bóliminde qyzmet etken azamat kóz jumdy. Áleýmettik jelide taraǵan aqparatqa sáikes, onyń denesi turǵyn úilerdiń biriniń jertólesinen tabylǵan, dep habarlaidy dalanews.kz.
Politsiia boljamdy sýitsid deregi boiynsha qylmystyq is qozǵady. Qazir oqiǵanyń naqty sebebi men mán-jaiy anyqtalyp jatyr.
Aita keteiik, buǵan deiin 17 qyrkúiekte Kókshetaý qalalyq soty ákimshiliginiń 27 jastaǵy basshysy Aian Dúisekovtiń qaitys bolǵany habarlanǵan edi. Politsiia bul oqiǵany Qylmystyq kodekstiń «Ózin-ózi óltirýge deiin jetkizý» baby boiynsha tergep jatyr.
Aian Dúisekovtiń týystary onyń jumys ornynda moraldyq jáne psihologiialyq qysym kórgenin, ádiletsiz tártiptik jazaǵa tartylǵanyn málimdegen. Sondai-aq qyzmettik baspanadan shyǵarý máselesi kóterilgenin aitqan. Marqumnyń artynda jary men eki kishkentai balasy qaldy.
