Oral qalasynda gimnaziiadan bosatylǵan 17 pedagog eńbek quqyǵyn sot arqyly qorǵap shyqty. Sot bilim berý mekemesin olardyń árqaisysyna bir laýazymdyq jalaqy kóleminde birjolǵy ótemaqy tóleýge mindettedi, dep habarlaidy dalanews.kz.
Is materialdaryna sáikes, muǵalimder zeinet jasyna tolýyna bailanysty jumystan ketken. Alaida gimnaziia basshylyǵy eńbek sharttaryn pedagogterdiń óz erkimen jumystan shyǵý týraly ótinishteri negizinde toqtatqan. Sonyń saldarynan ustazdar zańda qarastyrylǵan birjolǵy tólemnen qaǵylǵan.
Sot jumys berýshiniń eńbek shartyn toqtatý tártibin saqtamaǵanyn jáne qyzmetkerlerge tiisti deńgeide eskertý jasamaǵanyn anyqtady.
"Sot 17 pedagogpen jasalǵan eńbek sharttarynyń toqtatylýy olardyń zeinet jasyna jetip, zeinetke shyǵýyna bailanysty bolǵanyn moiyndady. Gimnaziia ár muǵalimge bir laýazymdyq jalaqy kóleminde birjolǵy ótemaqy tóleýge mindetteldi", - dep habarlady Batys Qazaqstan oblystyq sotynyń baspasóz qyzmeti.
Oral qalasynyń №2 soty burynǵy muǵalimderdiń talap aryzyn tolyq qanaǵattandyrdy. Ázirge sot sheshimi zańdy kúshine engen joq.
