Mańǵystaý oblysynyń prokýratýrasy qurylys salasynda litsenziia berýdiń zańdylyǵyna taldaý júrgizdi, dep habarlaidy Dalanews.kz.
Nátijesimen 12 qurylys mekeme zańsyz ruqsat alǵany anyqtaldy.
Olardy alý úshin qurylys salýshylar bir menshik ielerinen jalǵa alynǵan óndiristik bazalardy paidalanǵany, sonymen qatar ótinimderde birdei injenerlik-tehnikalyq qyzmetkerlerdi jariialaǵany anyqtaldy.
Tekserý nátijesinde 12 mekemeniń barlyǵy ákimshilik jaýaptylyqqa tartyldy. Jalpy somasy 5 million teńgeden astam aiyppul salyndy.
Anyqtalǵan buzýshylyqtar joiylǵanǵa deiin kompaniialardyń qyzmeti toqtatyldy.
Qurylys salasyndaǵy zańdylyqty qamtamasyz etý jumystary jalǵasýda.
Prokýratýra organdary litsenziialardy josyqsyz alý faktileriniń jolyn kesýdi jáne óńirdiń qurylys salasynda ashyqtyqty qamtamasyz etetin bolady.
