ماڭعىستاۋ وبلىسىنىڭ پروكۋراتۋراسى قۇرىلىس سالاسىندا ليسەنزيا بەرۋدىڭ زاڭدىلىعىنا تالداۋ جۇرگىزدى، دەپ حابارلايدى Dalanews.kz.
ناتيجەسىمەن 12 قۇرىلىس مەكەمە زاڭسىز رۇقسات العانى انىقتالدى.
ولاردى الۋ ءۇشىن قۇرىلىس سالۋشىلار ءبىر مەنشىك يەلەرىنەن جالعا الىنعان وندىرىستىك بازالاردى پايدالانعانى، سونىمەن قاتار وتىنىمدەردە بىردەي ينجەنەرلىك-تەحنيكالىق قىزمەتكەرلەردى جاريالاعانى انىقتالدى.
تەكسەرۋ ناتيجەسىندە 12 مەكەمەنىڭ بارلىعى اكىمشىلىك جاۋاپتىلىققا تارتىلدى. جالپى سوماسى 5 ميلليون تەڭگەدەن استام ايىپپۇل سالىندى.
انىقتالعان بۇزۋشىلىقتار جويىلعانعا دەيىن كومپانيالاردىڭ قىزمەتى توقتاتىلدى.
قۇرىلىس سالاسىنداعى زاڭدىلىقتى قامتاماسىز ەتۋ جۇمىستارى جالعاسۋدا.
پروكۋراتۋرا ورگاندارى ليسەنزيالاردى جوسىقسىز الۋ فاكتىلەرىنىڭ جولىن كەسۋدى جانە ءوڭىردىڭ قۇرىلىس سالاسىندا اشىقتىقتى قامتاماسىز ەتەتىن بولادى.
