Sherzat Bolat isindegi memlekettik aiyptaýshy Dana Sársenbai áleýmettik jelide málimdeme jasady, dep habarlaidy Dalanews.kz.
"Áleýmettik jelilerde meniń atymdy, qyzmetimdi jáne fotosýretimdi zańsyz paidalanyp, jalǵan akkaýnttar ashylyp jatqanyna bailanysty osy beineúndeýdi jasaýdy qajet dep taptym. Meniń Instagram áleýmettik jelidegi jalǵyz akkaýntym — @s.d.n__ , tek otbasym men jaqyndarymmen bailanys ornatý úshin qurylǵan. Bul paraqshada eshqandai resmi jazba, pikir nemese kásibi sipattaǵy aqparat jariialanbaidy. Meniń atymnan ashylǵan basqa barlyq paraqsha jalǵan. Meniń atymdy, qyzmetimdi nemese fotomdy ruqsatsyz paidalaný, ásirese, qylmystyq is aiasynda paidalaný – zańsyz áreket", - dedi ol.
Prokýror jurtty jalǵan aqparatqa senbeýge shaqyrdy.
"Sizderdi saq bolýǵa, jalǵan aqparatqa senbeýge jáne ony taratpaýǵa shaqyramyn. Mundai feik paraqshalar men jalǵan málimetter quqyq qorǵaý organdaryna degen senimge nuqsan keltirip, tergeý barysyna keri áser etýi múmkin. Iske qatysty barlyq resmi aqparat tek ýákiletti memlekettik organdardyń resmi arnalary arqyly jariialanady", - dedi ol.
