شەرزات بولات ىسىندەگى مەملەكەتتىك ايىپتاۋشى دانا سارسەنباي الەۋمەتتىك جەلىدە مالىمدەمە جاسادى، دەپ حابارلايدى Dalanews.kz.
"الەۋمەتتىك جەلىلەردە مەنىڭ اتىمدى، قىزمەتىمدى جانە فوتوسۋرەتىمدى زاڭسىز پايدالانىپ، جالعان اككاۋنتتار اشىلىپ جاتقانىنا بايلانىستى وسى بەينەۇندەۋدى جاساۋدى قاجەت دەپ تاپتىم. مەنىڭ Instagram الەۋمەتتىك جەلىدەگى جالعىز اككاۋنتىم — @s.d.n__ ، تەك وتباسىم مەن جاقىندارىممەن بايلانىس ورناتۋ ءۇشىن قۇرىلعان. بۇل پاراقشادا ەشقانداي رەسمي جازبا، پىكىر نەمەسە كاسىبي سيپاتتاعى اقپارات جاريالانبايدى. مەنىڭ اتىمنان اشىلعان باسقا بارلىق پاراقشا جالعان. مەنىڭ اتىمدى، قىزمەتىمدى نەمەسە فوتومدى رۇقساتسىز پايدالانۋ، اسىرەسە، قىلمىستىق ءىس اياسىندا پايدالانۋ – زاڭسىز ارەكەت"، - دەدى ول.
پروكۋرور جۇرتتى جالعان اقپاراتقا سەنبەۋگە شاقىردى.
"سىزدەردى ساق بولۋعا، جالعان اقپاراتقا سەنبەۋگە جانە ونى تاراتپاۋعا شاقىرامىن. مۇنداي فەيك پاراقشالار مەن جالعان مالىمەتتەر قۇقىق قورعاۋ ورگاندارىنا دەگەن سەنىمگە نۇقسان كەلتىرىپ، تەرگەۋ بارىسىنا كەرى اسەر ەتۋى مۇمكىن. ىسكە قاتىستى بارلىق رەسمي اقپارات تەك ۋاكىلەتتى مەملەكەتتىك ورگانداردىڭ رەسمي ارنالارى ارقىلى جاريالانادى"، - دەدى ول.
