اقمولا وبلىستىق سوتى 2026 جىلعى 25 اقپاندا دەمحانادا بولعان ٶرتكە قاتىستى اپەللياتسييالىق شاعىمداردى قارادى. سوت ٷش سوتتالۋشىعا تاعايىندالعان باس بوستاندىعىنان ايىرۋ جازاسىن ٶزگەرٸسسٸز قالدىردى, دەپ حابارلايدى dalanews.kz.
سوت شەشٸمٸنە سەيكەس:
- دەمحانا يەسٸ – 7 جىلعا;
- اۆتوگاز قۇيۋ ستانتسيياسىنىڭ ديرەكتورى – 7 جىلعا;
- گاز باللوندارىن جەتكٸزگەن ازامات – 6 جىلعا سوتتالعان.
سوتتا قايعىلى وقيعاعا جىلىتۋ رادياتورىنىڭ جانىندا ساقتالعان, شامادان تىس تولتىرىلعان گاز باللونىنىڭ جارىلۋى سەبەپ بولعانى انىقتالعان.
تەرگەۋ ماتەريالدارى بويىنشا, دەمحانا يەسٸ ٶرت قاۋٸپسٸزدٸگٸ تالاپتارىن بۇزعان. گاز جەتكٸزۋشٸ قاجەتتٸ رۇقساتسىز جۇمىس ٸستەگەن, ال جانارماي قۇيۋ ستانتسيياسىنىڭ ديرەكتورى تۇرمىستىق گاز باللوندارىن تيٸستٸ باقىلاۋسىز تولتىرۋعا جول بەرگەن.
ٶرت سالدارىنان 12 ادام قازا تاۋىپ, تاعى 11 ادام تٷرلٸ دەڭگەيدە جاراقات العان.
سوت, سونىمەن قاتار, 16 جەبٸرلەنۋشٸنٸڭ مورالدىق زيياندى ٶتەۋ تۋرالى تالاپتارىن ٸشٸنارا قاناعاتتاندىردى. ٷكٸم زاڭدى كٷشٸنە ەندٸ.
