Aqmola oblystyq soty 2026 jylǵy 25 aqpanda dámhanada bolǵan órtke qatysty apelliatsiialyq shaǵymdardy qarady. Sot úsh sottalýshyǵa taǵaiyndalǵan bas bostandyǵynan aiyrý jazasyn ózgerissiz qaldyrdy, dep habarlaidy dalanews.kz.
Sot sheshimine sáikes:
- dámhana iesi – 7 jylǵa;
- avtogaz quiý stantsiiasynyń direktory – 7 jylǵa;
- gaz ballondaryn jetkizgen azamat – 6 jylǵa sottalǵan.
Sotta qaiǵyly oqiǵaǵa jylytý radiatorynyń janynda saqtalǵan, shamadan tys toltyrylǵan gaz ballonynyń jarylýy sebep bolǵany anyqtalǵan.
Tergeý materialdary boiynsha, dámhana iesi órt qaýipsizdigi talaptaryn buzǵan. Gaz jetkizýshi qajetti ruqsatsyz jumys istegen, al janarmai quiý stantsiiasynyń direktory turmystyq gaz ballondaryn tiisti baqylaýsyz toltyrýǵa jol bergen.
Órt saldarynan 12 adam qaza taýyp, taǵy 11 adam túrli deńgeide jaraqat alǵan.
Sot, sonymen qatar, 16 jábirlenýshiniń moraldyq ziiandy óteý týraly talaptaryn ishinara qanaǵattandyrdy. Úkim zańdy kúshine endi.
