«Pýtin úmitti aqtamady». Germaniia Ýkrainaǵa beretin qarýlarynyń tizimin jariialady
Nemister ýáde etken qarý-jaraqtaryn Ýkrainaǵa jetkizýde enjarlyq tanytyp kelgen edi. Olar Pýtinniń aqylǵa kelip, qan-tógisti toqtata ma degen úmiti bolǵany anyq edi.
Biraq Pýtin olardyń úmitin aqtaǵan joq. Kúni keshe ǵana orystar Germaniiaǵa gaz tasymaldaityn «Soltústik aǵyn 1» gaz qubyryna jóndeý jumystaryn júrgizýdi jeleý etip, qubyrdyń jumysyn toqtatty.
Mamandar bolsa, Resei biligi synyqty syltaý etip, Eýropaǵa gaz jóneltýdi erte bastan toqtatyp, bopsalaýy múmkin ekenin aityp qaldy.
Orystardyń osy bir áreketi nemisterdiń Ýkrainaǵa qarý-jaryq jetkizýin jedeldete túsýi bek múmkin.
Osy oqiǵadan keiin ile-shala Germaniia biligi Ýkrainaǵa ýáde etken qarý-jaraqtarynyń tizimin jariialady. Sonymen ol qandai qarý-jaraqtar?
53 myń zenitti oq-dári;
yqsham radiolokatsiialyq stansa men teplovizrlik quraldar;
úsh jyljymaly Panzerhaubitzen 2000 gaýbitsiiasy;
4 myń ret atýǵa jetetin tankke arnalǵan zenittik oq-dári;
20 avtonomdy sýda júzetin dron;
14 súiretpe men 14 jartylai tirkeme;
43 barlaý drony;
54 BTR M113 áskeri mashinasy (Daniiada shyǵarylǵan);
30 Tankke ornatylǵan GEPARD zenittik júiesi;
IRIS-T SLM áýe qorǵanysy júiesi;
úsh MARS jappai atys júiesin qajetti oq-dárisimen bermekshi, sonymen qatar nemister medikamentter men áskeri avtomobilderdi berýdi kózdep otyr.
