2025 jyldan beri Qazaqstanda 944 myńnan astam otbasynyń turmys jaǵdaiy jaqsarǵan. Bul týraly Premer-ministr Oljas Bektenovtiń tóraǵalyǵymen ótken eńbek jáne halyqty áleýmettik qorǵaý salasyn tsifrlyq transformatsiialaý máseleleri jónindegi keńeste aityldy, dep habarlaidy dalanews.kz.
Bul bastama Premer-ministr Oljas Bektenovtiń tóraǵalyǵymen ótken eńbek jáne halyqty áleýmettik qorǵaý salasyn tsifrlyq transformatsiialaý jónindegi keńeste tanystyryldy.
Úkimettiń málimetinshe, áleýmettik tólem alýshylarǵa jiberilgen SMS-habarlamalardan keiin 200-den astam azamat memlekettik kómekke muqtaj emes ekenin aityp, járdemaqydan óz erkimen bas tartqan.
"Búginde SMS-habarlamalar jiberý nátijesinde 200-den astam azamat kómekke muqtaj bolmaǵandyqtan, járdemaqy alýdan bas tartty. Osy baǵytta Eńbek ministrligi eGov Mobile bazasynda járdemaqydan erikti túrde bas tartý servisin usyndy. Onyń kómegimen tabysy joǵary azamattar memlekettik organdarǵa barmai-aq, áleýmettik tólemnen onlain bas tarta alady" – delingen Úkimet habarlamasynda.
Eńbek jáne halyqty áleýmettik qorǵaý ministrliginiń dereginshe, keiingi eki jylda 944 513 otbasynyń materialdyq jaǵdaiy jaqsarǵan. 2025 jyly kómekke muqtajdar qataryndaǵy 480 355 otbasy ál-aýqaty joǵary sanatqa aýystyrylsa, 2026 jyldyń basynan beri taǵy 464 158 otbasynyń turmys deńgeii ósken.
Josparlanǵan ózgeris barlyq áleýmettik tólemdi qamtymaidy. Jańa tártip tabysy joǵary azamattarǵa beriletin 36 tólemniń tek 14 túrine qatysty bolady. Qalǵan 22 tólem burynǵy talap boiynsha taǵaiyndala beredi. Memlekettik qoldaýǵa shyn máninde muqtaj qazaqstandyqtarǵa kómek tolyq kólemde kórsetiledi.
Oljas Bektenov reformanyń negizgi maqsaty áleýmettik shyǵyndardy qysqartý emes ekenin atap ótti.
"Qazaqstan áleýmettik memleket mártebesin saqtaidy. Qabyldanyp jatqan sharalar masyldyqqa jol bermeýge jáne kómekti shyn máninde qiyn jaǵdaiǵa tap bolǵan azamattarǵa baǵyttaýǵa tiis", – dedi Premer-ministr.
