Qazaqstanda profilaktikalyq tekserýler men vaktsinatsiia jónindegi aqparatty azamattarǵa 1414 nómiri arqyly jetkizý josparlanyp otyr, dep habarlaidy dalanews.kz.
19 qazannan bastap Aqmola, Abai jáne Ulytaý oblystarynda skriningten ótý qajettigin eskertetin SMS-habarlamalar pilottyq rejimde jiberile bastaidy. Densaýlyq saqtaý ministrliginiń málimetinshe, júie alty baǵyt boiynsha profilaktikalyq tekserýden ótýi tiis azamattardy avtomatty túrde anyqtaidy.
Habarlama alǵan turǵyndar tirkelgen emhanasyna baryp, qajetti tekserýden óte alady.
Al 26 qazannan bastap vaktsinatsiiaǵa qatysty SMS-habarlama búkil el aýmaǵynda iske qosylmaq. Ekpe meditsinalyq aqparattyq júiege tirkelgennen keiin azamatqa nemese balanyń zańdy ókiline vaktsinanyń túri men salynǵan kúni kórsetilgen habarlama keledi.
"Eger SMS-tegi aqparat shyndyqqa sáikes kelmese, azamat 1414 nómirine jaýap habarlama jibere alady. Málimet tekserý úshin Sanitariialyq-epidemiologiialyq baqylaý komitetine joldanady", - dep habarlady ministrlik.
