2 shilde kúni saǵat 06:50 shamasynda Qarasai aýdanyna qarasty Jańaturmys aýylyndaǵy «Aqsai kareri» JShS aýmaǵynda Aqsai ózeniniń jaǵalaýyn sý shaiyp, karerdiń soltústik-batys bóligindegi topyraq syrǵydy, dep habarlaidy dalanews.kz.
Oqiǵa ornyna tiisti qyzmetter jedel túrde jiberildi. Qaýipsizdikti qamtamasyz etý maqsatynda jaqyn mańdaǵy 9 jeke turǵyn úidiń turǵyndary ýaqytsha qaýipsiz jerge kóshirildi. Mamandar aýmaqty tekserip, jaǵdaidy turaqtandyrýǵa baǵyttalǵan qajetti jumystardy júrgizip jatyr.
Qazirgi ýaqytta injenerlik jáne qalpyna keltirý jumystary keshendi túrde atqarylyp jatyr. Jumysqa barlyǵy 19 qyzmetker men 14 tehnika jumyldyryldy. Sonymen qatar turǵyndarǵa túsindirý jumystary júrgizilip, olardyń qaýipsizdigin qamtamasyz etý boiynsha barlyq qajetti sharalar qabyldanýda.
Qalyptasqan jaǵdaiǵa bailanysty Qarasai aýdanynda jergilikti deńgeidegi tótenshe jaǵdai jariialandy. Bul sheshim qajetti jumystardy jedel júrgizip, tiimdi úilestirýge múmkindik beredi. Almaty oblysynyń qalǵan aýdandarynda jaǵdai turaqty.
Júrgizilip jatqan jumystar Almaty oblysynyń ákimi men salalyq memlekettik organdardyń turaqty baqylaýynda.
