2 شٸلدە كٷنٸ ساعات 06:50 شاماسىندا قاراساي اۋدانىنا قاراستى جاڭاتۇرمىس اۋىلىنداعى «اقساي كارەرٸ» جشس اۋماعىندا اقساي ٶزەنٸنٸڭ جاعالاۋىن سۋ شايىپ, كارەردٸڭ سولتٷستٸك-باتىس بٶلٸگٸندەگٸ توپىراق سىرعىدى, دەپ حابارلايدى dalanews.kz.
وقيعا ورنىنا تيٸستٸ قىزمەتتەر جەدەل تٷردە جٸبەرٸلدٸ. قاۋٸپسٸزدٸكتٸ قامتاماسىز ەتۋ ماقساتىندا جاقىن ماڭداعى 9 جەكە تۇرعىن ٷيدٸڭ تۇرعىندارى ۋاقىتشا قاۋٸپسٸز جەرگە كٶشٸرٸلدٸ. ماماندار اۋماقتى تەكسەرٸپ, جاعدايدى تۇراقتاندىرۋعا باعىتتالعان قاجەتتٸ جۇمىستاردى جٷرگٸزٸپ جاتىر.
قازٸرگٸ ۋاقىتتا ينجەنەرلٸك جەنە قالپىنا كەلتٸرۋ جۇمىستارى كەشەندٸ تٷردە اتقارىلىپ جاتىر. جۇمىسقا بارلىعى 19 قىزمەتكەر مەن 14 تەحنيكا جۇمىلدىرىلدى. سونىمەن قاتار تۇرعىندارعا تٷسٸندٸرۋ جۇمىستارى جٷرگٸزٸلٸپ, ولاردىڭ قاۋٸپسٸزدٸگٸن قامتاماسىز ەتۋ بويىنشا بارلىق قاجەتتٸ شارالار قابىلدانۋدا.
قالىپتاسقان جاعدايعا بايلانىستى قاراساي اۋدانىندا جەرگٸلٸكتٸ دەڭگەيدەگٸ تٶتەنشە جاعداي جارييالاندى. بۇل شەشٸم قاجەتتٸ جۇمىستاردى جەدەل جٷرگٸزٸپ, تيٸمدٸ ٷيلەستٸرۋگە مٷمكٸندٸك بەرەدٸ. الماتى وبلىسىنىڭ قالعان اۋداندارىندا جاعداي تۇراقتى.
جٷرگٸزٸلٸپ جاتقان جۇمىستار الماتى وبلىسىنىڭ ەكٸمٸ مەن سالالىق مەملەكەتتٸك ورگانداردىڭ تۇراقتى باقىلاۋىندا.
