Almaty oblysynyń Uzynaǵash aýylynda 29 maýsym kúni 21 jastaǵy Diananyń máiiti erler dárethanasynan tabyldy. Marqumnyń týystary onyń óz-ózine qol jumsaǵanyna kúmán keltirip, qylmystyq áreket bolýy múmkin ekenin aityp otyr, dep habarlaidy dalanews.kz.
Qyzdyń anasynyń aitýynsha, qaiǵyly oqiǵadan bir kún buryn Diana oǵan syilyq jasap, sulýlyq salonyna aparǵan jáne kontsertke bilet satyp bergen. Jumystan keiin ol aǵasyna barýdy josparlaǵan. Alaida túnde bailanysqa shyǵýyn toqtatqan.
Týystarynyń sózinshe, qyzdyń denesinde kóptegen kógergen izder bolǵan. Sondai-aq olar Diananyń sómkesinen 100 myń teńge men moinyndaǵy altyn alqanyń joǵalǵanyn málimdedi. Keiin onyń jeke zattary jyradan tabylyp, tergeýshilerge tapsyrylǵan.
Marqumnyń jaqyndary oqiǵa ornynda bolǵan bolýy múmkin kýágerdiń sózine de nazar aýdarýda. Olardyń aitýynsha, álgi áiel dárethana mańynan eki kólik pen tórt jas jigitti kórgenin aitqan.
Al politsiia atalǵan fakti boiynsha «Ózin-ózi óltirýge deiin jetkizý» baby negizinde qylmystyq is qozǵalǵanyn habarlady.
Qazirgi ýaqytta oqiǵanyń barlyq mán-jaiyn anyqtaý maqsatynda tergeý amaldary júrgizilip jatyr. Túpkilikti protsessýaldyq sheshim saraptamalar men tergeý nátijesine sáikes qabyldanady.
