Astanada qutqarýshylar gaz-aýa qospasynyń jarylýynan bolǵan oqiǵanyń saldaryn joiýda, dep habarlaidy dalanews.kz.
Astana qalasynyń Baiqońyr aýdanynda Sh. Jienqulova kóshesinde ornalasqan bazar aýmaǵyndaǵy eki qabatty ákimshilik ǵimaratta aldyn ala málimet boiynsha kólemi 50 litrlik kompozittik gaz ballonynyń germetikalyǵy buzylýy saldarynan gaz-aýa qospasy jaryldy.
Oqiǵa ornyna TJM bólimsheleri jedel jetti. Barlaý barysynda qutqarýshylar úsh zardap shekken adamdy anyqtady. Olardyń barlyǵy qajetti meditsinalyq kómek kórsetý úshin aýrýhanaǵa jetkizildi.
Oqiǵa ǵimarattyń birinshi qabatynda ornalasqan tandyr samsa daiyndaityn bólmede bolǵan. Jarylys saldarynan tóbe jabyndysynyń bir bóligi men esik oiyǵy opyryldy.
Oqiǵanyń mán-jaiy men sebepteri anyqtalyp jatyr.
