نەمىستەر ۋادە ەتكەن قارۋ-جاراقتارىن ۋكرايناعا جەتكىزۋدە ەنجارلىق تانىتىپ كەلگەن ەدى. ولار ءپۋتيننىڭ اقىلعا كەلىپ، قان-توگىستى توقتاتا ما دەگەن ءۇمىتى بولعانى انىق ەدى.
ءبىراق پۋتين ولاردىڭ ءۇمىتىن اقتاعان جوق. كۇنى كەشە عانا ورىستار گەرمانياعا گاز تاسىمالدايتىن «سولتۇستىك اعىن 1» گاز قۇبىرىنا جوندەۋ جۇمىستارىن جۇرگىزۋدى جەلەۋ ەتىپ، قۇبىردىڭ جۇمىسىن توقتاتتى.
ماماندار بولسا، رەسەي بيلىگى سىنىقتى سىلتاۋ ەتىپ، ەۋروپاعا گاز جونەلتۋدى ەرتە باستان توقتاتىپ، بوپسالاۋى مۇمكىن ەكەنىن ايتىپ قالدى.
ورىستاردىڭ وسى ءبىر ارەكەتى نەمىستەردىڭ ۋكرايناعا قارۋ-جارىق جەتكىزۋىن جەدەلدەتە ءتۇسۋى بەك مۇمكىن.
وسى وقيعادان كەيىن ىلە-شالا گەرمانيا بيلىگى ۋكرايناعا ۋادە ەتكەن قارۋ-جاراقتارىنىڭ ءتىزىمىن جاريالادى. سونىمەن ول قانداي قارۋ-جاراقتار؟
53 مىڭ زەنيتتى ءوق-دارى؛
ىقشام راديولوكاسيالىق ستانسا مەن تەپلوۆيزرلىك قۇرالدار؛
ءۇش جىلجىمالى Panzerhaubitzen 2000 گاۋبيسياسى؛
4 مىڭ رەت اتۋعا جەتەتىن تانككە ارنالعان زەنيتتىك ءوق-دارى؛
20 اۆتونومدى سۋدا جۇزەتىن درون؛
14 سۇيرەتپە مەن 14 جارتىلاي تىركەمە؛
43 بارلاۋ درونى؛
54 بتر م113 اسكەري ماشيناسى (دانيادا شىعارىلعان)؛
30 تانككە ورناتىلعان GEPARD زەنيتتىك جۇيەسى؛
IRIS-T SLM اۋە قورعانىسى جۇيەسى؛
ءۇش MARS جاپپاي اتىس جۇيەسىن قاجەتتى وق-دارىسىمەن بەرمەكشى، سونىمەن قاتار نەمىستەر مەديكامەنتتەر مەن اسكەري اۆتوموبيلدەردى بەرۋدى كوزدەپ وتىر.
