ۋكرايناداعى سوعىسقا تارتىلعان جەتٸ قازاقستان ازاماتى مايدان شەبٸنەن شىعارىلىپ, رەسەيدٸڭ ۆورونەج قالاسىنا جەتكٸزٸلگەن. بۇل تۋرالى زاڭگەر مەيٸرمان شەكەەۆ ەلەۋمەتتٸك جەلٸدەگٸ پاراقشاسىندا مەلٸمدەدٸ.
زاڭگەردٸڭ ايتۋىنشا, جەتٸ ازامات قازٸر سوعىس ايماعىنان شىعارىلعان. ول ولاردىڭ جاقىن ارادا ەلگە ورالۋى مٷمكٸن ەكەنٸن جەتكٸزدٸ.
"اللا قالاپ بالالاردىڭ قازٸرگٸ تاڭدا جەتەۋٸ سوعىس شەبٸنەن الدىرىلىپ, ۆورونەجگە جەتكٸزٸلدٸ. اللا قالاپ ەلگەدە كەلەر كٷنٸ دە الىس ەمەس سيياقتى. لايىم جاقسى جاڭالىق كٶپ بولعاي", – دەپ جازدى زاڭگەر.
بۇعان دەيٸن رەسەيگە جۇمىس ٸستەۋگە بارىپ, كەيٸن ۋكرايناداعى سوعىسقا تارتىلعان قازاقستاندىقتاردىڭ اتا-انالارى سىرتقى ٸستەر مينيسترلٸگٸنٸڭ الدىنا جينالعان بولاتىن. ولار بالالارىن ەلگە قايتارۋعا كٶمەكتەسۋدٸ سۇراپ, مەملەكەتتٸك ورگاندارعا ٶتٸنٸش بٸلدٸرگەن.
وسى وقيعاعا بايلانىستى قوعام نازارىن اۋدارعانداردىڭ بٸرٸ – شىمكەنت تۇرعىنى سىمبات كەلدٸبەك. ول 2006 جىلى تۋعان ٸنٸسٸ اينابەك كەلدٸبەكتٸڭ تاعدىرىنا الاڭداپ, كٶپشٸلٸكتەن كٶمەك سۇراعان ەدٸ.
تۋىستارىنىڭ ايتۋىنشا, اينابەك بيىل ماۋسىم ايىندا الماتىدا ۇلتتىق ۇلان قاتارىنداعى ەسكەري بورىشىن اياقتاعان. ال 27 تامىزدا دوسىمەن بٸرگە تابىس تابۋ ماقساتىندا رەسەيگە كەتكەن.
كەيٸن ەلەۋمەتتٸك جەلٸلەردە رەسەيگە جۇمىس ٸزدەپ بارعان بٸرنەشە قازاقستاندىقتىڭ سوعىسقا تارتىلعانىن ايتىپ, ەلگە قايتارۋدى سۇراعان بەينەٷندەۋلەرٸ تارادى.
وسىدان كەيٸن ازاماتتاردىڭ جاقىندارى قۇزىرلى ورگاندارعا جٷگٸنٸپ, ولاردى قاۋٸپسٸز جەرگە شىعارۋ مەسەلەسٸن كٶتەردٸ.
مەيٸرمان شەكەەۆتٸڭ سوڭعى مەلٸمدەمەسٸنە سەيكەس, جەتٸ قازاقستاندىق ۆورونەجگە جەتكٸزٸلگەن. الايدا ولاردىڭ قازاقستانعا ناقتى قاشان ورالاتىنى ەزٸرگە بەلگٸسٸز. بۇل مەلٸمەتكە قاتىستى رەسمي ورگانداردىڭ راستاۋى جارييالانعان جوق.
