ەلوردادا ٶتٸپ جاتقان جٷزۋدەن World Aquatics 2026 ەلەم كۋبوگٸنٸڭ فينالدىق كەزەڭٸنە قاتىسۋشىلار استانانىڭ كٶرٸكتٸ جەرلەرٸن ارالاپ, قالانىڭ تۋريستٸك نىساندارىمەن تانىستى. سپورتشىلار «بەيتەرەك» مونۋمەنتٸن, تەۋەلسٸزدٸك الاڭىن, ۇلتتىق مۋزەي جەنە ەرەكشە سەۋلەتٸمەن تانىمال «حان شاتىر» ساۋدا-ويىن-ساۋىق ورتالىعىن تاماشالادى, دەپ حابارلايدى dalanews.kz.
بيىل قازاقستاندا العاش رەت ۇيىمداستىرىلىپ وتىرعان World Aquatics ەلەم كۋبوگٸنٸڭ فينالدىق كەزەڭٸنە ەلەمنٸڭ 39 ەلٸنەن سپورتشىلار قاتىسۋدا. شەتەلدٸك سپورتشىلاردىڭ, جاتتىقتىرۋشىلار مەن جانكٷيەرلەردٸڭ كەلۋٸ وقيعالىق تۋريزمنٸڭ دامۋىنا سەرپٸن بەرٸپ, قوناقٷيلەرگە, كٶلٸك, ەكسكۋرسييا جەنە باسقا دا قىزمەت تٷرلەرٸنە سۇرانىستى ارتتىرادى.
شەتەلدٸك قوناقتار استانانىڭ زاماناۋي سەۋلەتٸنە, قالانىڭ كٶركٸ مەن اباتتاندىرىلۋىنا, قازاقستاندىقتاردىڭ قوناقجايلىعىنا جەنە ەلٸمٸزدٸڭ باي مەدەني مۇراسىنا ەرەكشە تەنتٸ بولدى.
سونىمەن قاتار سپورتشىلار قازاقستاندى ەلەمگە تانىتۋعا ٶز ٷلەسٸن قوسىپ كەلەدٸ. ولار ەلەۋمەتتٸك جەلٸلەردە ەلٸمٸزدەن العان ەسەرٸمەن بٶلٸسٸپ, ساپارى تۋرالى جاقىندارىنا ەڭگٸمەلەيدٸ. وسىلايشا قازاقستاننىڭ تۋريستٸك مٷمكٸندٸكتەرٸن حالىقارالىق اۋديتوريياعا كەڭٸنەن تانىتۋعا ىقپال ەتەدٸ.
ايتا كەتەيٸك, 2026 جىلدىڭ باسىندا تۋريزم جەنە سپورت مينيسترلٸگٸ العاش رەت ٶڭٸرلەرگە تۋريستەر تارتۋعا جەنە وقيعالىق تۋريزمدٸ دامىتۋعا باعىتتالعان ٸرٸ ٸس-شارالاردىڭ كٷنتٸزبەسٸن بەكٸتتٸ. كٷنتٸزبە اياسىنداعى جۇمىستار, اقپاراتتىق سٷيەمەلدەۋ جەنە ٶڭٸرلەرمەن بٸرلەسكەن ٸس-قيمىل ٸس-شارالارعا كەلۋشٸلەر سانىنىڭ ارتۋىنا ىقپال ەتتٸ.
اتالعان جۇمىستىڭ وڭ نەتيجەلەرٸن ەسكەرە وتىرىپ, مينيسترلٸك تۋريستٸك ٸس-شارالار كٷنتٸزبەسٸن قازاقستاندا ٶتەتٸن ٸرٸ حالىقارالىق سپورت جارىستارىنىڭ كەستەسٸمەن ٷيلەستٸرۋ مەسەلەسٸن قاراستىرىپ جاتىر.
بۇل باستاما سپورتتىق جارىستاردى مەدەني جەنە تۋريستٸك ٸس-شارالارمەن ۇشتاستىرۋعا مٷمكٸندٸك بەرەدٸ. نەتيجەسٸندە سپورتشىلار مەن شەتەلدٸك قوناقتار جارىستارعا قاتىسىپ, سپورتتىق بەسەكەلەردٸ تاماشالاپ قانا قويماي, ەلٸمٸزدەگٸ مەدەني ٸس-شارالارعا قاتىسۋعا, ۇلتتىق دەستٷرلەرٸمٸزبەن تانىسۋعا جەنە قازاقستاننىڭ كٶرٸكتٸ جەرلەرٸن ارالاۋعا مٷمكٸندٸك الادى.
اتاپ ايتقاندا, 2027 جىلى قازاقستاندا سپورتتىڭ التى تٷرٸنەن ەلەم چەمپيوناتىن ٶتكٸزۋ جوسپارلانعان. استانادا ٷستەل تەننيسٸ مەن دزيۋدودان, ال الماتىدا ستەند اتۋدان ەلەم چەمپيوناتتارى ٶتەدٸ. سونداي-اق استانادا قازاق كٷرەسٸنەن, بوكس پەن تاەكۆوندودان ەلەم چەمپيوناتتارىن ٶتكٸزۋ كٶزدەلگەن. بۇدان بٶلەك, ەلٸمٸزدە ۋەفا كونگرەسٸ ٶتەدٸ. بۇل دا حالىقارالىق دەڭگەيدەگٸ ماڭىزدى وقيعالاردىڭ بٸرٸ بولماق.
ەلەمدٸك دەڭگەيدەگٸ سپورتتىق جارىستاردى ٶتكٸزۋ ەلٸمٸزدە سپورتتىڭ دامۋىنا, قازاقستاننىڭ تۋريستٸك تارتىمدىلىعىن ارتتىرۋعا, حالىقارالىق بەدەلٸن نىعايتۋعا جەنە قىزمەت كٶرسەتۋ سالاسىنىڭ ٶركەندەۋٸنە دە ىقپال ەتەدٸ.
