پاۆلوداردا پروكۋراتۋرا قىزمەتكەرٸ باسقارعان كٶلٸك قاعىپ كەتكەن 60 جاستاعى ەيەل قايتىس بولدى. وسىعان بايلانىستى قىلمىستىق ٸستٸڭ سارالانۋى ٶزگەرتٸلٸپ, تەرگەۋ جالعاسىپ جاتىر, دەپ حابارلايدى dalanews.kz.
پاۆلودار وبلىستىق پوليتسييا دەپارتامەنتٸنٸڭ مەلٸمەتٸنشە, جەبٸرلەنۋشٸنٸڭ 2026 جىلعى 23 تامىزدا قايتىس بولۋىنا بايلانىستى قىلمىستىق ٸس قازاقستان رەسپۋبليكاسى قىلمىستىق كودەكسٸنٸڭ 345-بابىنىڭ 3-بٶلٸگٸ بويىنشا قايتا سارالانعان. بۇل باپ ابايسىزدا ادام ٶلٸمٸنە ەكەپ سوققان جول قوزعالىسى ەرەجەلەرٸن بۇزۋعا قاتىستى.
جٷرگٸزۋشٸگە شاقىرۋ بويىنشا كەلۋ مٸندەتتەمەسٸ تٷرٸندەگٸ پروتسەستٸك مەجبٷرلەۋ شاراسى قولدانىلعان. تەرگەۋ اياسىندا سىرتقى بەينەباقىلاۋ كامەرالارىنىڭ جازبالارى الىنىپ, وقيعانىڭ مەن-جايىن جان-جاقتى انىقتاۋعا باعىتتالعان تەرگەۋ ەرەكەتتەرٸ جٷرگٸزٸلٸپ جاتىر.
پوليتسييانىڭ حابارلاۋىنشا, تەرگەۋ نەتيجەسٸ بويىنشا تٷپكٸلٸكتٸ پروتسەستٸك شەشٸم قابىلدانادى.
بۇعان دەيٸن, 2026 جىلعى 13 تامىزدا پاۆلوداردا نۇرماعامبەتوۆ پەن كامزين كٶشەلەرٸنٸڭ قيىلىسىندا جول-كٶلٸك وقيعاسى بولعانى حابارلانعان ەدٸ. كٶلٸك قاعىپ كەتكەن 60 جاستاعى ەيەل سۇلتانوۆ اتىنداعى وبلىستىق كلينيكالىق اۋرۋحاناعا جەتكٸزٸلگەن.
العاشىندا قىلمىستىق ٸس قىلمىستىق كودەكستٸڭ 345-بابىنىڭ 2-بٶلٸگٸ بويىنشا قوزعالعان. كەيٸن پاۆلودار وبلىسىنىڭ پروكۋراتۋراسى كٶلٸك تٸزگٸنٸندە قاداعالاۋ ورگانىنىڭ قىزمەتكەرٸ بولعانىن راستاعان.
