ىستامبۇلدا سۋ تاسقىنى سالدارىنان ٷش ادام قازا تاپتى. تاعى بەس ادام ىستامبۇلدا, بٸر ادام كٶرشٸلەس قودجاەلي پروۆينتسيياسىندا ٸز-تٷسسٸز جوعالعاندار قاتارىندا, دەپ حابارلايدى dalanews.kz.
15 قازاندا كەشكە ىستامبۇلدا تاعى دا قاتتى نٶسەر جاۋىن جاۋدى. جاۋىن-شاشىن سالدارىنان جىلعالار ارناسىنان اسىپ, قالانىڭ كەرٸز جٷيەسٸ سۋ كٶلەمٸنە تٶتەپ بەرە المادى. ەلەۋمەتتٸك جەلٸدە سۋ باسقان كٶشەلەردٸڭ ۆيدەولارى تارادى.
بۇقارالىق اقپارات قۇرالدارى مەلٸمەتٸنشە, سۋ تاسقىنىنان قازا تاپقاندار سانى ٷشكە جەتكەن. ساداباد اۋدانىندا قۇتقارۋشىلار كٶپٸر تٸرەگٸنٸڭ جانىنداعى جىلعادان 56 جاستاعى ادامنىڭ سٷيەگٸن تاپقان. بۇعان دەيٸن تاعى ەكٸ ادام قازا تاپقان.
سونداي-اق, ىستامبۇلدا بەس ادام, ال كٶرشٸلەس قودجاەلي پروۆينتسيياسىندا بٸر ادام ٸز-تٷسسٸز جوعالعانى بەلگٸلٸ بولدى.
AFAD دەرەگٸنشە, سۋ تاسقىنىنىڭ سالدارىن جويۋ جۇمىستارىنا 46 597 ادام تارتىلعان. بۇدان بٶلەك, ەل بويىنشا جٷرگٸزٸلٸپ جاتقان جۇمىستارعا تاعى 58 085 مامان جۇمىلدىرىلعان. ۆەدومستۆو وقيعا ورنىنا مىڭ ەرٸكتٸنٸ دە جٸبەرگەن. كٷنٸ بويى زارداپ شەككەندەرگە 9 185 ازىق-تٷلٸك جيىنتىعى تاراتىلعان.
