Ystambulda sý tasqyny saldarynan úsh adam qaza tapty. Taǵy bes adam Ystambulda, bir adam kórshiles Qodjaeli provintsiiasynda iz-tússiz joǵalǵandar qatarynda, dep habarlaidy dalanews.kz.
15 qazanda keshke Ystambulda taǵy da qatty nóser jaýyn jaýdy. Jaýyn-shashyn saldarynan jylǵalar arnasynan asyp, qalanyń káriz júiesi sý kólemine tótep bere almady. Áleýmettik jelide sý basqan kóshelerdiń videolary tarady.
Buqaralyq aqparat quraldary málimetinshe, sý tasqynynan qaza tapqandar sany úshke jetken. Sadabad aýdanynda qutqarýshylar kópir tireginiń janyndaǵy jylǵadan 56 jastaǵy adamnyń súiegin tapqan. Buǵan deiin taǵy eki adam qaza tapqan.
Sondai-aq, Ystambulda bes adam, al kórshiles Qodjaeli provintsiiasynda bir adam iz-tússiz joǵalǵany belgili boldy.
AFAD dereginshe, sý tasqynynyń saldaryn joiý jumystaryna 46 597 adam tartylǵan. Budan bólek, el boiynsha júrgizilip jatqan jumystarǵa taǵy 58 085 maman jumyldyrylǵan. Vedomstvo oqiǵa ornyna myń eriktini de jibergen. Kúni boiy zardap shekkenderge 9 185 azyq-túlik jiyntyǵy taratylǵan.
