2027 جىلعى 1 قاڭتاردان باستاپ قازاقستاندا مۇقتاجدىق دەڭگەيٸنە قاراي ەلەۋمەتتٸك قولداۋ كٶرسەتۋ تەرتٸبٸ ەنگٸزٸلەدٸ. وسى ٶزگەرٸستەردەن كەيٸن C, D جەنە E ساناتتارىنا جاتاتىن وتباسىلار تيٸستٸ تالاپتاردى ساقتاعان جاعدايدا بٸرقاتار مەملەكەتتٸك جەردەماقى مەن ەلەۋمەتتٸك قولداۋ شارالارىن الۋ قۇقىعىن ساقتايدى, دەپ حابارلايدى dalanews.kz.
C, D جەنە E ساناتتارى كٸمدەرگە بەرٸلەدٸ?
C ساناتى – ورتاشا تابىسى بار, تۇرمىس جاعدايى تۇراقتى وتباسىلار.
D ساناتى – ەكونوميكالىق تۇرعىدان وسال وتباسىلار. ولاردىڭ جاعدايىن باعالاۋ كەزٸندە تابىسىنىڭ تٶمەندٸگٸ, ەڭبەككە قابٸلەتتٸ وتباسى مٷشەلەرٸنٸڭ تۇراقتى جۇمىسىنىڭ بولماۋى, تۇرعىن ٷي مەسەلەسٸ, مەرزٸمٸ ٶتكەن كرەديتتەرٸ جەنە باسقا دا فاكتورلار ەسكەرٸلەدٸ.
E ساناتى – ەكونوميكالىق جەنە ەلەۋمەتتٸك تۇرعىدان وسال, مەملەكەت تاراپىنان بٸرٸنشٸ كەزەكتە كٶمەك كٶرسەتۋدٸ قاجەت ەتەتٸن وتباسىلار. ەدەتتە مۇنداي وتباسىلاردا بٸرنەشە مەسەلە قاتار كەزدەسەدٸ. مەسەلەن, تابىسى ٶتە تٶمەن بولۋى, تۇراقتى جۇمىسىنىڭ, باسپاناسىنىڭ, مٷلكٸ مەن جيناق اقشاسىنىڭ بولماۋى, سونداي-اق مەرزٸمٸ ٶتكەن قارجىلىق مٸندەتتەمەلەرٸنٸڭ بولۋى مٷمكٸن.
وتباسىنىڭ ساناتى قالاي انىقتالادى?
وتباسىنىڭ ساناتىن انىقتاۋ كەزٸندە تەك جالاقى مٶلشەرٸ ەسەپكە الىنبايدى. وتباسىنىڭ تسيفرلىق كارتاسى ارقىلى 50-دەن استام كٶرسەتكٸش تالدانادى.
ولاردىڭ قاتارىندا وتباسىنىڭ تابىسى, جۇمىسپەن قامتىلۋ جاعدايى, تۇرعىن ٷيٸ مەن باسقا دا جىلجىمايتىن مٷلكٸ, اۆتوكٶلٸكتەرٸ, كرەديتتەرٸ, بيزنەسٸ, جەر ۋچاسكەلەرٸ, وتباسى قۇرامى جەنە ٶزگە دە مەلٸمەتتەر بار.
قانداي وتباسىلاردىڭ جەردەماقىسى توقتاتىلۋى مٷمكٸن?
2027 جىلدان باستاپ جوعارى جەنە اۋقاتتى تۇرمىس دەڭگەيٸن بٸلدٸرەتٸن A جەنە B ساناتتارىنداعى وتباسىلار مۇقتاجدىق ٶلشەمٸ ەنگٸزٸلەتٸن كەيبٸر ەلەۋمەتتٸك تٶلەمدەردەن ايىرىلۋى مٷمكٸن.
ال C, D جەنە E ساناتتارىنداعى وتباسىلار تيٸستٸ تٶلەمدەردٸ الۋ ٷشٸن قويىلاتىن ٶزگە دە تالاپتاردى ورىنداعان جاعدايدا مەملەكەتتٸك قولداۋ الۋ قۇقىعىن ساقتايدى.
بۇل رەتتە وتباسىنىڭ ساناتى تۇراقتى بولىپ قالمايدى. ەگەر ونىڭ قارجىلىق جاعدايى ٶزگەرسە, مەرتەبەسٸ قايتا قارالۋى مٷمكٸن.
مەملەكەتتٸك اقپاراتتىق جٷيەلەردەگٸ دەرەكتەر اۆتوماتتى تٷردە جاڭارتىلىپ وتىرادى. ال ٷي شارۋاشىلىعىنىڭ ساناتى اي سايىن انىقتالادى.
