Memleket basshysy Qasym-Jomart Toqaev Qazaqstan halqyn Qurban ait merekesimen quttyqtady, dep habarlaidy Dalanews.kz.
"Ardaqty aǵaiyn! Qurban ait merekesi qutty bolsyn! Barsha musylman qaýym úshin qasietti sanalatyn bul meiram – imandylyq pen izgiliktiń simvoly. Ait kúnderi muqtaj jandarǵa jaqsylyq jasap, kómek kórsetý – ata-babalarymyzdan jalǵasyp kele jatqan igi dástúr. Asyl dinimiz azamattardy bir-birin qurmetteýge, jaqyndaryna janashyr bolýǵa úndeidi. Baýyrlastyq pen syilastyqty dáripteidi. Halqymyzdyń berekeli birligi osyndai izgi qundylyqtardyń arqasynda nyǵaia túsedi", - dedi Memleket basshysy óz quttyqtaýynda.
Prezident Qurban ait – yrysty yntymaqtyń merekesi ekenin basa atap ótti.
"Biz elimizdegi turaqtylyqtyń qadirin bilip, tatýlyqty saqtaý arqyly kez-kelgen synnan súrinbei ótip, biik maqsattarǵa jetemiz. Ádiletti, Taza, Qaýipsiz ári Qýatty Qazaqstandy birge quramyz. Qurban ait kezinde aitylar duǵa-tilekter qabyl bolsyn! Ár shańyraqqa qut-bereke qonsyn! Aittan aitqa aman-esen jete bereiik!",- dedi Qasym-Jomart Toqaev.
Aita ketsek, 6 maýsym Qazaqstan kúntizbesinde mereke kúnderiniń biri retinde belgilengen. Qazaqstandaǵy musylman qaýym 6-8 maýsymda Qurban aitty atap ótedi. Bul kúnderi qurbandyq mal shalynady,joq-jitikke, jetim-jesirge, áleýmettik osal topqa jatatyndarǵa sadaqa beriledi, adamdar bir-birine qonaq barady, renjiskender bir-birinen keshirim suraidy.
