Qyrǵyzstan astanasynda IV Bishkek halyqaralyq kinofestivali ótti, dep habarlaidy dalanews.kz.
Festival aiasynda Qazaqstan, Qyrǵyzstan, Ózbekstan, Tájikstan jáne Túrikmenstan kinogerleriniń týyndylary usynylǵan OrtalyqAziia baiqaýy uiymdastyryldy. Baiqaý qorytyndysy boiynsha qazaqstandyq «Qaitadan» filmi «Úzdik film» atalymynda Gran-pri ielendi.
«Qaitadan» sońǵy jyldardaǵy eń tabysty qazaqstandyq filmderdiń birine ainaldy. Ótken jyly kartina nebári úsh aptanyń ishinde prokatta 1 mlrd teńgeden astam tabys jinap, otandyq kinoprokat kóshin bastady.
Buǵan deiin film Qazaqstandaǵy kreativti indýstriialar salasyndaǵy basty marapat — STEPPE AWARDS syilyǵynyń «Kinematografiia» sanaty boiynsha da jeńimpaz atanǵan bolatyn.
Aita keteiik, joba 2023 jyly pitching jeńimpazy atanyp, Qazaqstan Respýblikasy Mádeniet jáne aqparat ministrliginiń qoldaýymen júzege asyryldy.
