Májilis tóraǵasynyń orynbasary, «Aq jol» fraktsiiasynyń múshesi Daniia Espaeva Qazaqstannyń demokratiialyq «Aq jol» partiiasynyń jańa tóraǵasy bolyp sailandy, dep habarlaidy dalanews.kz.
Bul sheshim partiianyń sezinde qabyldandy. Delegattardyń basym bóligi Daniia Espaevanyń kandidatýrasyn qoldaǵan.
Daniia Espaeva 2016 jyldyń naýryz aiynan beri Májilis depýtaty bolyp keledi. Al 2023 jyldyń naýryzynan bastap Májilis tóraǵasynyń orynbasary qyzmetin atqaryp júr.
Buǵan deiin «Aq jol» partiiasyn 2011 jyldyń shilde aiynan beri basqarǵan Azat Perýashev partiia tóraǵasy ókilettigin toqtatatynyn málimdegen bolatyn.
Perýashev bul sheshimin partiia basshylyǵyn jańartý jáne ishki partiialyq júiede monopoliianyń qalyptasýyna jol bermeý qajettiligimen túsindirdi. Onyń aitýynsha, basshylyqtyń merzimdi túrde aýysýy jańa ideialar men bastamalardyń júzege asýyna múmkindik beredi.
