Qazaqstannyń Demokratiialyq «Aq jol» partiiasynyń tóraǵasy Azat Perýashev óz ókilettigin toqtatý týraly sheshim qabyldaǵanyn málimdedi. Onyń aitýynsha, bul qadam partiia basshylyǵyn jańartý jáne ishki partiialyq júiede monopoliianyń qalyptasýyna jol bermeý maqsatynda jasalyp otyr, dep habarlaidy dalanews.kz.
Málimdeme 13 maýsym kúni ótip jatqan partiia sezinde jasaldy.
Perýashev qazirgi kezeńde qoǵam men saiasi júie úlken ózgeristerdi bastan ótkerip jatqanyn aityp, mundai jaǵdaida biliktiń nemese basshylyqtyń uzaq ýaqyt bir qolǵa shoǵyrlanýy jańashyldyqqa kedergi keltirýi múmkin ekenin jetkizdi.
«Biz qazirdiń ózinde búgingi shynaiylyqty ózgertip jatqan oqiǵalardyń ortasynda turmyz. Biraq monopoliia buǵan kedergi keltirýi múmkin. Al monopoliiaǵa qarsy eń tiimdi qural – basshylyqtyń merzimdi túrde aýysyp otyrýy. Sondyqtan óz-ózime tuiyqtalyp qalmaý jáne jańa ideialar men tyń serpinderdiń jolyn bógemeý úshin partiia tóraǵasy ókilettigin toqtatý týraly sheshim qabyldadym», – dedi ol.
Eske salaiyq, 2 maýsymda Qasym-Jomart Toqaev Qazaqstandy mensinbei qaraityn adamdar týraly pikir bildirgen bolatyn. Prezident keibir azamattardyń quqyqtyq tártipti «Shtrafstan» nemese «Aiyppulstan» dep kelemejdeitinin aityp, olardyń arasynda Parlament depýtattary da bar ekenin atap ótken.
«Shtrafstan» sózin Azat Perýashev 2024 jyly kásipkerlerge salynatyn aiyppul kólemin synǵa alǵan kezde qoldanǵan edi. Alaida qazirgi tańda májilismen bul sózi úshin ókinish bildiretinin aitty.
