Astanada ótken «Ádilet» partiiasynyń II sezinde delegattar AMANAT partiiasynyń quramǵa qosylýyn qoldady. Osylaisha eldegi eń iri saiasi uiymdardyń biri nebári birneshe ai buryn qurylǵan partiianyń quramyna ený týraly sheshim qabyldady, dep habarlaidy dalanews.kz.
Sezd barysynda «Ádilet» partiiasynyń tóraǵasy Aibek Dádebai bul qadamnyń saiasi emes, ulttyq jaýapkershilikke negizdelgen sheshim ekenin aitty.
– AMANAT partiiasynyń «Ádilet» partiiasyna qosylýy – tar partiialyq múddeden joǵary turatyn, ulttyq jaýapkershilikke negizdelgen salmaqty sheshim, – dedi ol.
Eske salaiyq, 12 maýsymda ótken AMANAT partiiasynyń XXVI sezinde delegattar «Ádilet» partiiasymen birigý týraly sheshimdi biraýyzdan qoldaǵan bolatyn. Endi bul sheshim «Ádilet» partiiasynyń sezinde de maquldandy.
Saiasi sarapshylardyń nazaryn aýdarǵan taǵy bir másele – jańa birikken partiianyń bolashaq qurylymy. Aibek Dádebaidyń málimdemelerine qaraǵanda, sóz dál AMANAT-tyń «Ádiletke» qosylýy týraly bolyp otyr. Bul jaǵdaida jańartylǵan saiasi uiymnyń basshylyǵynda da ózgeris bolmaýy múmkin.
Aita keteiik, «Ádilet» partiiasy 2026 jyldyń sáýir aiynda qurylyp, 1 maýsymda Ádilet ministrliginde resmi tirkeýden ótti. Partiiany 7 mamyrdan bastap Prezident ákimshiliginiń burynǵy basshysy Aibek Dádebai basqarady.
Buǵan deiin jańa partiianyń platformasy eGov portalynda paida bolyp, azamattarǵa onlain túrde partiia qataryna qosylý múmkindigi berilgen edi.
Sońǵy aptalarda «Ádilet» partiiasynyń qataryna belgili memlekettik qyzmetkerlerdiń qosylýy múmkin ekeni týraly aqparattar da tarady. Sarapshylardyń pikirinshe, AMANAT pen «Ádilettiń» birigýi eldiń partiialyq-saiasi júiesindegi sońǵy jyldardaǵy eń mańyzdy ózgeristerdiń birine ainalýy yqtimal.
Endi basty suraq – jańa saiasi qurylym qandai formatta jumys isteidi jáne ol Qazaqstannyń saiasi keńistigin qanshalyqty ózgertedi?
