استانادا ٶتكەن «ەدٸلەت» پارتيياسىنىڭ II سەزٸندە دەلەگاتتار AMANAT پارتيياسىنىڭ قۇرامعا قوسىلۋىن قولدادى. وسىلايشا ەلدەگٸ ەڭ ٸرٸ ساياسي ۇيىمداردىڭ بٸرٸ نەبەرٸ بٸرنەشە اي بۇرىن قۇرىلعان پارتييانىڭ قۇرامىنا ەنۋ تۋرالى شەشٸم قابىلدادى, دەپ حابارلايدى dalanews.kz.
سەزد بارىسىندا «ەدٸلەت» پارتيياسىنىڭ تٶراعاسى ايبەك دەدەباي بۇل قادامنىڭ ساياسي ەمەس, ۇلتتىق جاۋاپكەرشٸلٸككە نەگٸزدەلگەن شەشٸم ەكەنٸن ايتتى.
– AMANAT پارتيياسىنىڭ «ەدٸلەت» پارتيياسىنا قوسىلۋى – تار پارتييالىق مٷددەدەن جوعارى تۇراتىن, ۇلتتىق جاۋاپكەرشٸلٸككە نەگٸزدەلگەن سالماقتى شەشٸم, – دەدٸ ول.
ەسكە سالايىق, 12 ماۋسىمدا ٶتكەن AMANAT پارتيياسىنىڭ XXVI سەزٸندە دەلەگاتتار «ەدٸلەت» پارتيياسىمەن بٸرٸگۋ تۋرالى شەشٸمدٸ بٸراۋىزدان قولداعان بولاتىن. ەندٸ بۇل شەشٸم «ەدٸلەت» پارتيياسىنىڭ سەزٸندە دە ماقۇلداندى.
ساياسي ساراپشىلاردىڭ نازارىن اۋدارعان تاعى بٸر مەسەلە – جاڭا بٸرٸككەن پارتييانىڭ بولاشاق قۇرىلىمى. ايبەك دەدەبايدىڭ مەلٸمدەمەلەرٸنە قاراعاندا, سٶز دەل AMANAT-تىڭ «ەدٸلەتكە» قوسىلۋى تۋرالى بولىپ وتىر. بۇل جاعدايدا جاڭارتىلعان ساياسي ۇيىمنىڭ باسشىلىعىندا دا ٶزگەرٸس بولماۋى مٷمكٸن.
ايتا كەتەيٸك, «ەدٸلەت» پارتيياسى 2026 جىلدىڭ سەۋٸر ايىندا قۇرىلىپ, 1 ماۋسىمدا ەدٸلەت مينيسترلٸگٸندە رەسمي تٸركەۋدەن ٶتتٸ. پارتييانى 7 مامىردان باستاپ پرەزيدەنت ەكٸمشٸلٸگٸنٸڭ بۇرىنعى باسشىسى ايبەك دەدەباي باسقارادى.
بۇعان دەيٸن جاڭا پارتييانىڭ پلاتفورماسى eGov پورتالىندا پايدا بولىپ, ازاماتتارعا ونلاين تٷردە پارتييا قاتارىنا قوسىلۋ مٷمكٸندٸگٸ بەرٸلگەن ەدٸ.
سوڭعى اپتالاردا «ەدٸلەت» پارتيياسىنىڭ قاتارىنا بەلگٸلٸ مەملەكەتتٸك قىزمەتكەرلەردٸڭ قوسىلۋى مٷمكٸن ەكەنٸ تۋرالى اقپاراتتار دا تارادى. ساراپشىلاردىڭ پٸكٸرٸنشە, AMANAT پەن «ەدٸلەتتٸڭ» بٸرٸگۋٸ ەلدٸڭ پارتييالىق-ساياسي جٷيەسٸندەگٸ سوڭعى جىلدارداعى ەڭ ماڭىزدى ٶزگەرٸستەردٸڭ بٸرٸنە اينالۋى ىقتيمال.
ەندٸ باستى سۇراق – جاڭا ساياسي قۇرىلىم قانداي فورماتتا جۇمىس ٸستەيدٸ جەنە ول قازاقستاننىڭ ساياسي كەڭٸستٸگٸن قانشالىقتى ٶزگەرتەدٸ?
