Qazaqstannyń Tuńǵysh Prezidenti Nursultan Nazarbaevtyń úlken qyzy Dariǵa Nazarbaeva Forbes jýrnaly jariialaǵan 2026 jylǵy eń bai qazaqstandyqtar reitinginde 20-orynǵa jaiǵasty, dep habarlaidy dalanews.kz.
Basylymnyń baǵalaýynsha, onyń qazirgi bailyǵy 550 mln dollardy quraidy. Bul ótken jylǵy kórsetkishten tómen. 2025 jyly Dariǵa Nazarbaeva atalǵan tizimde 17-orynda bolyp, kapitaly 571 mln dollar dep baǵalanǵan edi. Forbes bul ózgeristiń naqty sebebin kórsetpegen.
Dariǵa Nazarbaeva uly Nuraly Álievpen birge «Evropa pliýs Qazaqstan» jáne «Nezavisimyi Televizionnyi Kanal» kompaniialaryna ielik etedi. Sonymen qatar «DLS Group» holdingi arqyly «Region-Media», «Narýjnaia Reklama-Regiony» jáne «Telefabrika “Dala”» kompaniialarynda úlesi bar.
Al onyń sińlisi Dinara Qulybaeva biyl reitingte úshinshi orynǵa kóterilgen. Forbes onyń bailyǵyn 5,4 mlrd dollar dep baǵalaǵan. Ótken jyly Dinara Qulybaeva 5,3 mlrd dollar kapitalymen tórtinshi orynda turǵan.
Dinara Qulybaeva jubaiy Timýr Qulybaevpen birge «Almeks» holdingi arqyly Halyk Bank aktsiialarynyń 61,99 paiyzyna ielik etedi.
