قازاقستاننىڭ تۇڭعىش پرەزيدەنتٸ نۇرسۇلتان نازارباەۆتىڭ ٷلكەن قىزى داريعا نازارباەۆا Forbes جۋرنالى جارييالاعان 2026 جىلعى ەڭ باي قازاقستاندىقتار رەيتينگٸندە 20-ورىنعا جايعاستى, دەپ حابارلايدى dalanews.kz.
باسىلىمنىڭ باعالاۋىنشا, ونىڭ قازٸرگٸ بايلىعى 550 ملن دوللاردى قۇرايدى. بۇل ٶتكەن جىلعى كٶرسەتكٸشتەن تٶمەن. 2025 جىلى داريعا نازارباەۆا اتالعان تٸزٸمدە 17-ورىندا بولىپ, كاپيتالى 571 ملن دوللار دەپ باعالانعان ەدٸ. Forbes بۇل ٶزگەرٸستٸڭ ناقتى سەبەبٸن كٶرسەتپەگەن.
داريعا نازارباەۆا ۇلى نۇرالى ەليەۆپەن بٸرگە «ەۆروپا پليۋس قازاقستان» جەنە «نەزاۆيسيمىي تەلەۆيزيوننىي كانال» كومپانييالارىنا يەلٸك ەتەدٸ. سونىمەن قاتار «DLS Group» حولدينگٸ ارقىلى «رەگيون-مەديا», «نارۋجنايا رەكلاما-رەگيونى» جەنە «تەلەفابريكا “دالا”» كومپانييالارىندا ٷلەسٸ بار.
ال ونىڭ سٸڭلٸسٸ دينارا قۇلىباەۆا بيىل رەيتينگتە ٷشٸنشٸ ورىنعا كٶتەرٸلگەن. Forbes ونىڭ بايلىعىن 5,4 ملرد دوللار دەپ باعالاعان. ٶتكەن جىلى دينارا قۇلىباەۆا 5,3 ملرد دوللار كاپيتالىمەن تٶرتٸنشٸ ورىندا تۇرعان.
دينارا قۇلىباەۆا جۇبايى تيمۋر قۇلىباەۆپەن بٸرگە «المەكس» حولدينگٸ ارقىلى Halyk Bank اكتسييالارىنىڭ 61,99 پايىزىنا يەلٸك ەتەدٸ.
