Búgin Túrkistan qalasyndaǵy «Olympic Center» sport kesheninde bokstan Sidnei Olimpiadasynyń jáne álem chempionatynyń kúmis júldegeri, Aziia oiyndarynyń chempiony, QR Boks federatsiiasynyń vitse-prezidenti Muhtarhan Qobylanbekuly Dildábekovtyń júldesine arnalǵan jastar arasyndaǵy XIII halyqaralyq týrnirdiń saltanatty ashylý rásimi ótti.
Sharada Túrkistan oblysy ákiminiń orynbasary Ertai Altaev, Qazaqstan boks federatsiiasynyń prezidenti Shahmurat Mútálip jáne Sidnei Olimpiadasynyń chempiony Ermahan Ibraimov sóz sóilep, jarysqa qatysýshy jas sportshylarǵa sáttilik tiledi.
– Túrki áleminiń altyn besigi – qasietti Túrkistan qalasyna qosh keldińizder! El Prezidenti Qasym-Jomart Kemelulynyń buqaralyq sportty damytý jónindegi bastamalary óńirde naqty júzege asýda. Búgingi týrnir – sol bastamalardyń jarqyn kórinisi. Oblysymyzdan óte talantty sportshylar kóp shyqqan.
Solardyń biri – Sidnei Olimpiadasynyń jáne Álem chempionatynyń kúmis júldegeri – Muhtarhan Qoblanbekuly. Búgin biz saiypqyranymyzdyń júldesine arnalǵan jastar arasyndaǵy XIII halyqaralyq týrnirde kezdesip otyrmyz. Aita keteiik, búginde Túrkistan oblysynda 40 sport uiymynda 6000-ǵa jýyq jas boksshy shuǵyldanýda. Aimaqta boks qarqyndy damyp jatyr. Qatysýshylarǵa ádil, taza ári tabysty báseke tileimin! – dedi Ertai Altaev.
Biylǵy týrnirge Qazaqstannyń barlyq óńirlerinen, sondai-aq Ázerbaijan, Tájikstan, Ózbekstan jáne Qyrǵyzstannan, elimizdiń bar óńirinen kelgen 20 komanda sapynda 140-tan astam jas boksshy qatysýda. Olar 10 salmaq dárejesi boiynsha baq synap, myqtyny anyqtaidy.
Jarystyń basty maqsaty – talantty jastardy ulttyq quramanyń sapyna irikteý jáne 1-13 tamyz kúnderi Tailandtyń Bangkok qalasynda ótetin Aziia chempionatyna qatysatyn úzdik sportshylardy izdeý. Jastar quramasynyń aǵa jattyqtyrýshysy Maqsat Baqtybazarovtyń aitýynsha, týrnir deńgeii joǵary, al qatysýshylar óz daiyndyqtaryn tolyqtai kórsetýde.
✔️Aýqymdy jarysty Túrkistan oblysynyń ákimdigi, Oblystyq dene shynyqtyrý jáne sport basqarmasy, sondai-aq oblystyq №5 olimpiada rezerviniń mamandandyrylǵan balalar men jasóspirimder sport mektebi joǵary deńgeide uiymdastyrdy.
