Almatyda qala ákimi Darhan Satybaldynyń qatysýymen Qazaqstan Respýblikasynyń jańa Konstitýtsiiasynyń kúshine enýine arnalǵan «Jańa Konstitýtsiia – jańa serpin» atty dóńgelek ústel ótti. Is-sharaǵa ǵylymi jáne sarapshylyq qaýymdastyq ókilderi, shyǵarmashylyq ziialy qaýym, máslihat depýtattary, Qoǵamdyq keńes músheleri, ardagerler uiymdarynyń jáne memlekettik organdardyń ókilderi qatysty, dep habarlaidy dalanews.kz.
Jiyndy ashqan Darhan Satybaldy jańartylǵan Ata zańnyń kúshine enýi Qazaqstannyń zań ústemdigine, ádilettilikke, ashyq memlekettik basqarýǵa jáne joǵary azamattyq jaýapkershilikke negizdelgen jańa damý kezeńine qadam basqanyn bildiretinin aitty.
Qala ákiminiń aitýynsha, jańa Konstitýtsiia quqyqtyq normalardy bekitip qana qoimai, adam quqyǵy men bostandyǵyn qorǵaý, tiimdi memlekettik basqarý qalyptastyrý jáne qoǵamdyq jaýapkershilikti basty qundylyq retinde aiqyndaityn memlekettiń jańa damý tujyrymdamasyn qalyptastyrady.
«Memleket basshysy Qasym-Jomart Kemeluly Toqaev atap ótkendei, jańa Konstitýtsiia elimizdiń uzaq merzimdi damýynyń berik quqyqtyq negizin qalyptastyryp, jańa qoǵamdyq kelisimniń ózegine ainalady. Sondyqtan onyń búgin zańdy kúshine enýi – Ádiletti jáne Progressivti Qazaqstandy qurý jolyndaǵy reformalardyń jańa kezeńge ótkeniniń aiqyn kórinisi», – dedi Darhan Satybaldy.
Ákim Qazaqstannyń eń iri qalasy, ǵylym, bilim, innovatsiia, mádeniet jáne ekonomika ortalyǵy sanalatyn Almatyǵa konstitýtsiialyq qaǵidattardy is júzinde júzege asyrýda erekshe jaýapkershilik júkteletinin jetkizdi. Onyń aitýynsha, Almatyny 2030 jylǵa deiin damytý strategiiasy jańa Konstitýtsiianyń negizgi qaǵidalarymen úndesip, jaily, qaýipsiz, ekologiialyq taza ári básekege qabiletti megapolis qalyptastyrýǵa baǵyttalǵan.
Darhan Satybaldy zamanaýi kólik infraqurylymyn damytý, qalany politsentrlik model boiynsha órkendetý, tsifrlandyrý, Almaty AI Park jobasyn qurý, Smart City tehnologiiasyn engizý, ekologiialyq jańǵyrtý, qoǵamdyq keńistikterdi damytý jáne «Taza Qazaqstan» bastamasyn iske asyrý turǵyndardyń ómir sapasyn arttyrýǵa baǵyttalǵan konstitýtsiialyq qaǵidattardyń naqty kórinisi ekenin atap ótti.
Dóńgelek ústel barysynda qatysýshylar jańa Konstitýtsiia qaǵidattaryn memlekettik basqarý júiesinde tiimdi iske asyrý, quqyqtyq mádenietti nyǵaitý, azamattyq jaýapkershilikti arttyrý, sondai-aq eldiń odan ári damýyna ǵylymi jáne sarapshylyq qaýymdastyqtyń qosar úlesi jóninde pikir almasty.
Kezdesý sońynda qatysýshylar jańa Konstitýtsiia Qazaqstannyń ornyqty damýyna, qoǵamdyq kelisim men zań ústemdigin nyǵaitýǵa, sonymen birge ádiletti, ashyq ári tiimdi memleket qalyptastyrýǵa berik quqyqtyq negiz bolatynyn erekshe atap ótti.
