الماتىدا قالا ەكٸمٸ دارحان ساتىبالدىنىڭ قاتىسۋىمەن قازاقستان رەسپۋبليكاسىنىڭ جاڭا كونستيتۋتسيياسىنىڭ كٷشٸنە ەنۋٸنە ارنالعان «جاڭا كونستيتۋتسييا – جاڭا سەرپٸن» اتتى دٶڭگەلەك ٷستەل ٶتتٸ. ٸس-شاراعا عىلىمي جەنە ساراپشىلىق قاۋىمداستىق ٶكٸلدەرٸ, شىعارماشىلىق زييالى قاۋىم, مەسليحات دەپۋتاتتارى, قوعامدىق كەڭەس مٷشەلەرٸ, ارداگەرلەر ۇيىمدارىنىڭ جەنە مەملەكەتتٸك ورگانداردىڭ ٶكٸلدەرٸ قاتىستى, دەپ حابارلايدى dalanews.kz.
جيىندى اشقان دارحان ساتىبالدى جاڭارتىلعان اتا زاڭنىڭ كٷشٸنە ەنۋٸ قازاقستاننىڭ زاڭ ٷستەمدٸگٸنە, ەدٸلەتتٸلٸككە, اشىق مەملەكەتتٸك باسقارۋعا جەنە جوعارى ازاماتتىق جاۋاپكەرشٸلٸككە نەگٸزدەلگەن جاڭا دامۋ كەزەڭٸنە قادام باسقانىن بٸلدٸرەتٸنٸن ايتتى.
قالا ەكٸمٸنٸڭ ايتۋىنشا, جاڭا كونستيتۋتسييا قۇقىقتىق نورمالاردى بەكٸتٸپ قانا قويماي, ادام قۇقىعى مەن بوستاندىعىن قورعاۋ, تيٸمدٸ مەملەكەتتٸك باسقارۋ قالىپتاستىرۋ جەنە قوعامدىق جاۋاپكەرشٸلٸكتٸ باستى قۇندىلىق رەتٸندە ايقىندايتىن مەملەكەتتٸڭ جاڭا دامۋ تۇجىرىمداماسىن قالىپتاستىرادى.
«مەملەكەت باسشىسى قاسىم-جومارت كەمەلۇلى توقاەۆ اتاپ ٶتكەندەي, جاڭا كونستيتۋتسييا ەلٸمٸزدٸڭ ۇزاق مەرزٸمدٸ دامۋىنىڭ بەرٸك قۇقىقتىق نەگٸزٸن قالىپتاستىرىپ, جاڭا قوعامدىق كەلٸسٸمنٸڭ ٶزەگٸنە اينالادى. سوندىقتان ونىڭ بٷگٸن زاڭدى كٷشٸنە ەنۋٸ – ەدٸلەتتٸ جەنە پروگرەسسيۆتٸ قازاقستاندى قۇرۋ جولىنداعى رەفورمالاردىڭ جاڭا كەزەڭگە ٶتكەنٸنٸڭ ايقىن كٶرٸنٸسٸ», – دەدٸ دارحان ساتىبالدى.
ەكٸم قازاقستاننىڭ ەڭ ٸرٸ قالاسى, عىلىم, بٸلٸم, يننوۆاتسييا, مەدەنيەت جەنە ەكونوميكا ورتالىعى سانالاتىن الماتىعا كونستيتۋتسييالىق قاعيداتتاردى ٸس جٷزٸندە جٷزەگە اسىرۋدا ەرەكشە جاۋاپكەرشٸلٸك جٷكتەلەتٸنٸن جەتكٸزدٸ. ونىڭ ايتۋىنشا, الماتىنى 2030 جىلعا دەيٸن دامىتۋ ستراتەگيياسى جاڭا كونستيتۋتسييانىڭ نەگٸزگٸ قاعيدالارىمەن ٷندەسٸپ, جايلى, قاۋٸپسٸز, ەكولوگييالىق تازا ەرٸ بەسەكەگە قابٸلەتتٸ مەگاپوليس قالىپتاستىرۋعا باعىتتالعان.
دارحان ساتىبالدى زاماناۋي كٶلٸك ينفراقۇرىلىمىن دامىتۋ, قالانى پوليتسەنترلٸك مودەل بويىنشا ٶركەندەتۋ, تسيفرلاندىرۋ, Almaty AI Park جوباسىن قۇرۋ, Smart City تەحنولوگيياسىن ەنگٸزۋ, ەكولوگييالىق جاڭعىرتۋ, قوعامدىق كەڭٸستٸكتەردٸ دامىتۋ جەنە «تازا قازاقستان» باستاماسىن ٸسكە اسىرۋ تۇرعىنداردىڭ ٶمٸر ساپاسىن ارتتىرۋعا باعىتتالعان كونستيتۋتسييالىق قاعيداتتاردىڭ ناقتى كٶرٸنٸسٸ ەكەنٸن اتاپ ٶتتٸ.
دٶڭگەلەك ٷستەل بارىسىندا قاتىسۋشىلار جاڭا كونستيتۋتسييا قاعيداتتارىن مەملەكەتتٸك باسقارۋ جٷيەسٸندە تيٸمدٸ ٸسكە اسىرۋ, قۇقىقتىق مەدەنيەتتٸ نىعايتۋ, ازاماتتىق جاۋاپكەرشٸلٸكتٸ ارتتىرۋ, سونداي-اق ەلدٸڭ ودان ەرٸ دامۋىنا عىلىمي جەنە ساراپشىلىق قاۋىمداستىقتىڭ قوسار ٷلەسٸ جٶنٸندە پٸكٸر الماستى.
كەزدەسۋ سوڭىندا قاتىسۋشىلار جاڭا كونستيتۋتسييا قازاقستاننىڭ ورنىقتى دامۋىنا, قوعامدىق كەلٸسٸم مەن زاڭ ٷستەمدٸگٸن نىعايتۋعا, سونىمەن بٸرگە ەدٸلەتتٸ, اشىق ەرٸ تيٸمدٸ مەملەكەت قالىپتاستىرۋعا بەرٸك قۇقىقتىق نەگٸز بولاتىنىن ەرەكشە اتاپ ٶتتٸ.
