Almatynyń Túrksib aýdanyndaǵy jekemenshik úilerdiń biriniń jertólesinen polietilenge oralǵan er adamnyń súiegi tabyldy, dep habarlaidy dalanews.kz.
Oqiǵa ornyna jedel tergeý toby baryp, marqum kim ekenin anyqtady. Aldyn ala málimet boiynsha ol turǵyn úilerde jóndeý jumystaryn júrgizgen jáne qaiǵyly oqiǵa bolǵan kúni osy úide bolǵan.
Politsiia jedel izdestirý sharalary barysynda úi iesin ustady. Onyń aitýynsha, er adam ázirge naqty anyqtalmaǵan jaǵdaida aýyr jaraqat alǵan. Alaida kúdikti oqiǵa týraly quzyrly organdarǵa habarlamai, súiekti jertólege jasyryp qoiǵan degen boljam bar.
Bul derek boiynsha adam ólimine qatysty qylmystyq is qozǵaldy. Qazir ólimniń naqty sebebin anyqtaý úshin sot-meditsinalyq jáne basqa da saraptamalar taǵaiyndalǵan. Oqiǵanyń barlyq mán-jaiy tekserilip, sotqa deiingi tergeý jalǵasyp jatyr.
