Uber platformasynda eńbek etetin 149 myńnan astam júrgizýshiniń qupiia aqparaty tarap ketken. Olardyń arasynda aty-jóni, mekenjaiy, týǵan kúni jáne júrgizýshi kýáliginiń nómiri bar, dep habarlaidy dalanews.kz.
Kibershabýyl Uber-ge tehnologiialyq qyzmet kórsetetin Fireworks AI kompaniiasynyń júiesi arqyly jasalǵan. Qaskóiler seriktestiń ishki tirkelgi derekterin paidalanyp kirgendikten, qaýipsizdik júiesi zańsyz áreketti birden anyqtai almaǵan.
"Shabýyldyń artynda qarjylyq paida tabýdy kózdegen kiberqylmystyq top tur. Olar jasandy intellekt modelderine kirýge múmkindik beretin urlanǵan tokenderdi satýǵa tyrysqan", – dedi Fireworks AI ókili.
Uber zardap shekken júrgizýshilerdiń qanshasyna eskertý jiberilgenin naqtylamady. Bul – kompaniiada 2026 jyly tirkelgen ekinshi iri derek taratý oqiǵasy.