Qazaqstanda eki mys balqytý zaýyty salynady

Qazaqstanda eki mys balqytý zaýyty salynady
pixabay.com

Qazaqstanda Balqash pen Aqtoǵai qalalarynda árqaisysynyń qýaty jylyna 300 myń tonna bolatyn eki mys balqytý zaýytyn salý josparlanyp otyr. Bul týraly Úkimet otyrysynda Ónerkásip jáne qurylys ministri málimdedi, dep habarlaidy dalanews.kz.

Ministrdiń málimetinshe, qazir elde óndiriletin 3,4 mln tonna mys kontsentratynyń shamamen 59%-y ǵana Qazaqstanda óńdeledi. Qalǵan shikizatty el ishinde tereń óńdeý úshin zańnamany jetildirý jáne jańa óndiristik qýattardy damytý baǵytynda jumys júrgizilip jatyr.

Sonymen qatar mys kontsentratyn óndirýdi arttyrý maqsatynda Kóksai jáne Aidarly jobalary iske asyrylady. Olar qosymsha 1,7 mln tonna mys kontsentratyn óndirýge múmkindik beredi.

Josparǵa sáikes, 2030 jylǵa qarai mys kontsentratyn óndirý kólemi 1,5 esege, al mys óndirý eki esege artady. Daiyn mys ónimderin shyǵarý kólemin eki esege ulǵaityp, 40 myń tonnaǵa jetkizý kózdelip otyr.