Qazaqmys Jambyl oblysynda sport alańdarynyń qurylysyn qarjylandyrdy

Qazaqmys Jambyl oblysynda sport alańdarynyń qurylysyn qarjylandyrdy
Foto: Qazaqmys

Jambyl oblysy Shý aýdanyna qarasty Kókqainar aýylynda jańa voleibol jáne basketbol alańdary ashyldy. Sport nysandary «Qazaqmys korporatsiiasy» JShS-nyń qarjylai qoldaýymen salyndy. Kompaniia jobany júzege asyrýǵa 20 mln teńgege jýyq qarajat bóldi, dep habarlaidy dalanews.kz.

Sport alańdary S. Estemesov atyndaǵy orta mekteptiń aýmaǵynda ornalasqan. Olar tek oqýshylarǵa ǵana emes, aýyl turǵyndaryna da arnalǵan. Oqý ýaqytynda munda dene shynyqtyrý sabaǵy ótkizilse, sabaqtan tys ýaqytta aýyl turǵyndary sportpen shuǵyldanyp, bos ýaqytyn belsendi ótkize alady.

Kókqainar aýylynyń turǵyndary sport alańdarynyń salynýyn kópten kútken edi. Endi aýyl balalary men jastary eshqaida barmai-aq, zaman talabyna sai jabdyqtalǵan alańdarda voleibol jáne basketbol oinaidy.

Joba aiasynda alańdardyń negizi daiyndalyp, arnaiy jabyn tóseldi, sporttyq jabdyqtar ornatylyp, ainalasy abattandyryldy. Qurylys jumysy tolyq aiaqtaldy.

Joba «Qazaqmys korporatsiiasy» JShS men Jambyl oblysy Shý aýdanynyń ákimdigi arasynda jasalǵan ózara túsinistik jáne yntymaqtastyq týraly memorandým aiasynda júzege asyryldy.

​​​​​​​

Aýyldyq eldi mekenderde sport infraqurylymyn damytý buqaralyq sporttyń keńinen taralýyna yqpal etip, balalar men jastardyń bos ýaqytyn tiimdi ótkizýine múmkindik beredi. Qazaqmys úshin mundai jobalardy júzege asyrý – ózi qyzmet etetin óńirlerdiń áleýmettik infraqurylymyn damytýǵa jáne turǵyndardyń ómir súrý sapasyn arttyrýǵa baǵyttalǵan jumystyń bir bóligi.