Astanalyq «Barys» pen magnitogorskilik «Metallýrg» komandalary arasyndaǵy hokkei matchy kezinde shaiba muz aidynynan ushyp shyǵyp, jankúierdiń basyna tigen. Saldarynan er adamnyń basy jarylyp, qan ketken, dep habarlaidy dalanews.kz.
Áleýmettik jeli qoldanýshysy Threads jelisinde oqiǵanyń qalai bolǵanyn baiandaǵan. Onyń aitýynsha, shaiba tigennen keiin jaraqat alǵan jankúier basynan qan ketip, «Barys» komandasynyń sharfymen jarasyn basyp, qanyn toqtatýǵa tyrysyp júrgen.
Oqiǵanyń kýágeri er adamdy toqtatyp, jaǵdaiyn suraǵan.
«Ózim de ań-tań boldym», – dep jaýap bergen zardap shekken jankúier.
Jazba avtory men jeli qoldanýshylary jankúierdiń tezirek saýyǵyp ketýine tilektestik bildirgen.
Eske salaiyq, «Barys» óz alańynda ótken QHL turaqty chempionaty aiasyndaǵy matchta «Metallýrgti» 5:4 esebimen jeńgen bolatyn. Osy jeńisten keiin astanalyq komanda Shyǵys konferentsiiasynda 29 upaimen besinshi orynǵa kóterildi.
Aita keteiik, kezdesý tek goldarymen ǵana emes, muz aidynyndaǵy tóbelespen de este qaldy. Matchtyń 46-minýtynda «Barystyń» qorǵaýshylary Beibarys Orazov pen Aleksandr Siriatskii judyryqtasyp qalǵan. Eki hokkeishige de bes minýttan aiyp ýaqyty berildi.