Qazaqstan qalalarynda qoǵamdyq kólikpen júrý aqysy 70 teńgeden 120 teńgege deiin ózgeredi. Eń qymbat jolaqy Almaty men Qonaevta tirkelse, eń tómen tarif Shymkent, Túrkistan jáne Aqtaýda belgilengen. Bul týraly eks-depýtat Murat Ábenov bólisken infografikada kórsetilgen, dep habarlaidy dalanews.kz.
Infografikadaǵy málimetke sáikes, 2026 jylǵy shildede Qazaqstan qalalaryndaǵy avtobýspen bir ret júrý quny karta nemese QR arqyly tólem jasaǵan jaǵdaida ártúrli bolǵan. Eń joǵary tarif Almaty men Qonaev qalalarynda tirkelgen. Bul qalalarda bir bilet quny – 120 teńge. Al Astanada qoǵamdyq kólikpen júrý 110 teńge turady.
Birqatar óńirde jolaqy 100 teńge deńgeiinde belgilengen. Olardyń qatarynda Oral, Qaraǵandy, Qostanai, Kókshetaý, Petropavl, Pavlodar jáne Taraz qalalary bar. Óskemende avtobýspen júrý quny – 90 teńge, al Qyzylordada – 85 teńge. Budan bólek, Aqtóbe, Atyraý, Jezqazǵan, Semei jáne Taldyqorǵan qalalarynda jolaqy 80 teńgeni quraidy.
Al eń arzan qoǵamdyq kólik qyzmeti Shymkent, Túrkistan jáne Aqtaý qalalarynda. Bul óńirlerde bir ret avtobýsqa miný úshin 70 teńge tóleý jetkilikti.
Osylaisha, Qazaqstandaǵy eń qymbat jáne eń arzan tarif arasyndaǵy aiyrmashylyq 50 teńgege jetedi. Almaty men Qonaevtaǵy jolaqy Shymkent, Túrkistan jáne Aqtaýdaǵy tariften shamamen 1,7 ese joǵary.
Aita keteiik, infografikada QR Ulttyq statistika biýrosynyń 2026 jylǵy shildedegi derekteri paidalanylǵan.