Astana qalasyndaǵy mektepterdiń birinde 11-synyp oqýshysy synyptastaryna pyshaqpen shabýyl jasady. Oqiǵa saldarynan eki oqýshy zardap shekti. Olarǵa meditsinalyq kómek kórsetildi, qazirgi ýaqytta ómiri men densaýlyǵyna qaýip tónip turǵan joq, dep habarlaidy dalanews.kz.
Politsiia málimetinshe, atalǵan fakti boiynsha qylmystyq is qozǵalǵan. Shabýyl jasaǵan qyz profilaktikalyq esepke qoiylyp, Psihikalyq densaýlyq ortalyǵynyń mamandaryna tapsyryldy.
Sondai-aq onyń zańdy ókilderi balany tárbieleý jónindegi mindetterin tiisinshe oryndamaǵany úshin jaýapkershilikke tartyldy.
Budan bólek, quqyq qorǵaý organdary bilim berý mekemesiniń qaýipsizdigine jaýapty kúzet uiymynyń áreketine quqyqtyq baǵa bermek.
Oqiǵanyń sebepteri men oǵan yqpal etken jaǵdailardy anyqtaý úshin Bilim basqarmasy men kámeletke tolmaǵandardyń isteri jónindegi komissiiaǵa tiisti usynystar joldandy. Onda quqyq buzýshylyqqa ákelgen sebepter men jaǵdailardy joiý talap etilgen.
Qazirgi ýaqytta tergeý amaldary jalǵasyp jatyr.