استانالىق «بارىس» پەن ماگنيتوگورسكٸلٸك «مەتاللۋرگ» كوماندالارى اراسىنداعى حوككەي ماتچى كەزٸندە شايبا مۇز ايدىنىنان ۇشىپ شىعىپ, جانكٷيەردٸڭ باسىنا تيگەن. سالدارىنان ەر ادامنىڭ باسى جارىلىپ, قان كەتكەن, دەپ حابارلايدى dalanews.kz.
ەلەۋمەتتٸك جەلٸ قولدانۋشىسى Threads جەلٸسٸندە وقيعانىڭ قالاي بولعانىن بايانداعان. ونىڭ ايتۋىنشا, شايبا تيگەننەن كەيٸن جاراقات العان جانكٷيەر باسىنان قان كەتٸپ, «بارىس» كومانداسىنىڭ شارفىمەن جاراسىن باسىپ, قانىن توقتاتۋعا تىرىسىپ جٷرگەن.
وقيعانىڭ كۋەگەرٸ ەر ادامدى توقتاتىپ, جاعدايىن سۇراعان.
«ٶزٸم دە اڭ-تاڭ بولدىم», – دەپ جاۋاپ بەرگەن زارداپ شەككەن جانكٷيەر.
جازبا اۆتورى مەن جەلٸ قولدانۋشىلارى جانكٷيەردٸڭ تەزٸرەك ساۋىعىپ كەتۋٸنە تٸلەكتەستٸك بٸلدٸرگەن.
ەسكە سالايىق, «بارىس» ٶز الاڭىندا ٶتكەن قحل تۇراقتى چەمپيوناتى اياسىنداعى ماتچتا «مەتاللۋرگتٸ» 5:4 ەسەبٸمەن جەڭگەن بولاتىن. وسى جەڭٸستەن كەيٸن استانالىق كوماندا شىعىس كونفەرەنتسيياسىندا 29 ۇپايمەن بەسٸنشٸ ورىنعا كٶتەرٸلدٸ.
ايتا كەتەيٸك, كەزدەسۋ تەك گولدارىمەن عانا ەمەس, مۇز ايدىنىنداعى تٶبەلەسپەن دە ەستە قالدى. ماتچتىڭ 46-مينۋتىندا «بارىستىڭ» قورعاۋشىلارى بەيبارىس ورازوۆ پەن الەكساندر سيرياتسكيي جۇدىرىقتاسىپ قالعان. ەكٸ حوككەيشٸگە دە بەس مينۋتتان ايىپ ۋاقىتى بەرٸلدٸ.