تٷركٸستان وبلىسىنداعى بٸرقاتار مەملەكەتتٸك مەديتسينا ۇيىمى قىزمەتكەرلەرٸنٸڭ لوندونداعى بٸر اپتالىق وقۋىنا شامامەن 60 ملن تەڭگە جۇمساعان. ەلەۋمەتتٸك جەلٸدە جارييالانعان مەلٸمەتكە سٷيەنسەك, كەلٸسٸمدەر كونكۋرس ٶتكٸزٸلمەي, بٸر كٶزدەن ساتىپ الۋ تەسٸلٸمەن جاسالعان, دەپ حابارلايدى dalanews.kz.
Facebook قولدانۋشىسى جاقىپ شەمشيەۆتٸڭ جازۋىنشا, 2026 جىلعى 5-12 قىركٷيەك ارالىعىندا ٶتكەن وقۋ ساپارىن ۇيىمداستىرۋعا تٷركٸستان وبلىسىنىڭ بٸرنەشە مەديتسينالىق مەكەمەسٸ قاتىسقان. كەلٸسٸمدەر "AlmaEco" جشس-مەن جاسالعانى كٶرسەتٸلگەن.
جارييالانىم اۆتورى بٸر مەكەمە بويىنشا كەلٸسٸم قۇنى 5 ملن 837 مىڭ تەڭگەنٸ قۇراعانىن, ال جالپى سوماسى 60 ملن تەڭگەگە جۋىقتاعانىن العا تارتادى. ونىڭ ەسەبٸنشە, بٸر قاتىسۋشىنىڭ لوندونداعى بٸر اپتالىق ساپارىنا شامامەن 6,9 ملن تەڭگە, ياعني 15,5 مىڭ دوللار جۇمسالعان.
قانداي مەديتسينالىق ۇيىمدار اتالدى?
جارييالانعان مەلٸمەتكە سەيكەس, بٸر كٶزدەن ساتىپ الۋ تەسٸلٸمەن كەلٸسٸم جاساعان مەكەمەلەر قاتارىندا ماقتاارال اۋداندىق «اتاكەنت» اۋرۋحاناسى, بەيدٸبەك اۋداندىق ورتالىق اۋرۋحاناسى, تٷركٸستان وبلىستىق بالالار اۋرۋحاناسى, №3 وبلىستىق پەريناتالدىق ورتالىق, وبلىستىق وفتالمولوگييالىق اۋرۋحانا, تٷركٸستان قالالىق بالالار اۋرۋحاناسى, كەنتاۋ قالالىق ەمحاناسى, وتىرار اۋداندىق ورتالىق اۋرۋحاناسى, №1 وبلىستىق پەريناتالدىق ورتالىق جەنە تٷركٸستان قالالىق ەمحاناسى اتالعان.
اۆتوردىڭ ايتۋىنشا, وسى مەديتسينالىق ۇيىمداردىڭ باسشىلارى لوندونعا بارىپ, مەديتسينالىق مەكەمەلەردٸ باسقارۋ, سونداي-اق انا مەن بالا دەنساۋلىعىن قورعاۋ باعىتتارىندا بٸلٸم العان.
"ساپارعا تٷركٸستان وبلىسىنداعى ون مەديتسينالىق ۇيىمنىڭ باسشىسى قاتىسقان. ولاردىڭ ەرقايسىسىنىڭ لوندونداعى بٸر اپتالىق وقۋىنا مەملەكەتتٸك بيۋدجەتتەن قوماقتى قاراجات جۇمسالدى", – دەپ جازدى جاقىپ شەمشيەۆ.
بۇدان ەلدەقايدا ارزان ۇسىنىس بولعان
جاقىپ شەمشيەۆ ٶزٸ ٶكٸلدٸك ەتەتٸن ۇيىمنىڭ لوندوندا 2006 جىلدان بەرٸ مەديتسينالىق مامانداردىڭ بٸلٸكتٸلٸگٸن ارتتىرۋ باعدارلامالارىن ۇيىمداستىرىپ كەلە جاتقانىن جازعان.
ول بۇعان دەيٸن تٷركٸستان وبلىسىنىڭ دەنساۋلىق ساقتاۋ باسقارماسىنا دەرٸگەرلەر مەن مەدبيكەلەردٸ وقىتۋ جٶنٸندە بٸرنەشە كوممەرتسييالىق ۇسىنىس جٸبەرٸلگەنٸن مەلٸمدەدٸ. سولاردىڭ بٸرٸندە لوندونداعى بٸر اپتالىق كۋرس بارلىق شىعىندى قوسا ەسەپتەگەندە بٸر ادامعا 4 450 فۋنت ستەرلينگكە ۇسىنىلعان.
اۆتور قازٸرگٸ كەلٸسٸمدەردەگٸ شىعىن بۇدان ەدەۋٸر جوعارى ەكەنٸن ايتىپ, قاراجاتتىڭ تيٸمدٸ جۇمسالۋىنا كٷمەن كەلتٸرەدٸ.
"بٸزدٸڭ ۇسىنىسىمىز بويىنشا ون ادامنىڭ لوندونداعى وقۋىنا 44 500 فۋنت قاجەت ەدٸ. ال مەملەكەتتٸك ۇيىمدار دەل وسىنداي ساپارعا 100 942 فۋنت جۇمساعان. ايىرماسى – 56 442 فۋنت", – دەپ جازدى ول.
ونىڭ ەسەبٸنشە, بۇل ايىرما تەڭگەگە شاققاندا ونداعان ميلليونعا جەتەدٸ.
بۇرىنعى ساپاردى مىسالعا كەلتٸردٸ
جارييالانىم اۆتورى تٷركٸستان وبلىسى دەنساۋلىق ساقتاۋ باسقارماسىنىڭ قازٸرگٸ باسشىسى اسحان بايدۋەليەۆتٸڭ 2013 جىلى ۇلىبريتانييادا ەكٸ اپتالىق "دەنساۋلىق ساقتاۋ مەنەدجمەنتٸ" كۋرسىنا قاتىسقانىن دا ەسكە سالدى. ول كەزدە بايدۋەليەۆ الماتى وبلىسىنداعى قاراساي اۋداندىق ورتالىق اۋرۋحاناسىن باسقارعان.
جاقىپ شەمشيەۆتٸڭ ايتۋىنشا, اتالعان ەكٸ اپتالىق باعدارلاما قۇنى قازٸرگٸ بٸر اپتالىق ساپاردان شامامەن ٷش ەسە ارزان بولعان.
"2013 جىلى اسحان بايدۋەليەۆ لوندوندا ەكٸ اپتا وقىدى. سول كەزدەگٸ شىعىن قازٸر ەر قاتىسۋشىنىڭ بٸر اپتاسىنا تٶلەنگەن سومادان ەلدەقايدا از ەدٸ. بٸر اپتالىق ساپار 7 ملن تەڭگەگە جۋىق تۇرماۋعا تيٸس", – دەيدٸ جازبا اۆتورى.
ساتىپ الۋ تەسٸلٸنە قاتىستى ساۋال تۋىندادى
جارييالانىمدا مەديتسينالىق ۇيىمداردىڭ شارتتاردى اشىق كونكۋرسسىز, بٸر كٶزدەن ساتىپ الۋ تەسٸلٸمەن رەسٸمدەگەنٸ ايتىلعان. اۆتور قىزمەت كٶرسەتۋشٸ كومپانييانىڭ بۇعان دەيٸن ۇلىبريتانييادا مەديتسينا قىزمەتكەرلەرٸنٸڭ بٸلٸكتٸلٸگٸن ارتتىرۋ باعدارلامالارىن ۇيىمداستىرعان تەجٸريبەسٸنە دە كٷمەن كەلتٸرەدٸ.
سونىمەن قاتار مەملەكەتتٸك ساتىپ الۋ پورتالىندا قىزمەتتٸڭ ورىندالعانى كٶرسەتٸلگەنٸمەن, ساپاردان تٷسٸرٸلگەن فوتو نەمەسە وقۋ باعدارلاماسىنىڭ نەتيجەلەرٸ اشىق جارييالانباعانىن العا تارتادى.
"ەگەر قىزمەت راسىمەن كٶرسەتٸلسە, ونىڭ باعدارلاماسى, قاتىسۋشىلار تٸزٸمٸ مەن قورىتىندىسى نەگە اشىق جارييالانباعان? ال ساپار بولماعان جاعدايدا, 60 ملن تەڭگەلٸك شارتتاردىڭ تاعدىرى نە بولدى?" – دەپ ساۋال تاستادى جاقىپ شەمشيەۆ.