قازاقستاندىقتار بٸرنەشە كٷن بويى كٶلٸگٸن ساقتاندىرا الماي جٷر

قازاقستاندىقتار بٸرنەشە كٷن بويى كٶلٸگٸن ساقتاندىرا الماي جٷر
اشىق دەرەككٶز

قازاقستاندىق جٷرگٸزۋشٸلەر مٸندەتتٸ اۆتوساقتاندىرۋدى رەسٸمدەۋ كەزٸندە قيىندىققا تاپ بولعانىن ايتىپ شاعىمداندى. ولاردىڭ سٶزٸنشە, ساقتاندىرۋ كومپانييالارىنىڭ سايتتارى مەن قوسىمشالارى ٸستەمەيدٸ, ال كەڭسەگە بارۋدىڭ پايداسى جوق. كەيبٸرٸ بٸرنەشە كٷننەن بەرٸ پوليس الا الماي جٷر, دەپ حابارلايدى dalanews.kz.

Threads جەلٸسٸندە Halyk, "ەۋرازييا", Nomad جەنە باسقا ساقتاندىرۋ كومپانييالارىنىڭ سەرۆيستەرٸنە قاتىستى شاعىمدار كٶبەيگەن. جٷرگٸزۋشٸلەر جٷيە ساقتاندىرۋ قۇنىن ەسەپتەۋ نەمەسە تٶلەم جاساۋ كەزٸندە قاتىپ قالاتىنىن ايتادى. كەيبٸر كليەنتتەر قولدانىستاعى پوليستٸ ۇزارتا, ٶزگەرتە نەمەسە بۇزا الماي جٷر.

تەحنيكالىق اقاۋلارمەن قاتار, جٷرگٸزۋشٸلەر ساقتاندىرۋ رەسٸمدەۋ كەزٸندە قوسىمشا اقى سۇرايتىنىنا دا شاعىمدانعان. مەسەلەن, كەيبٸرٸنە بروكەرلٸك قىزمەت ٷشٸن 10-20 مىڭ تەڭگە تٶلەۋ ۇسىنىلعان.

بۇعان دەيٸن قارجى نارىعىن رەتتەۋ جەنە دامىتۋ اگەنتتٸگٸ مٸندەتتٸ ساقتاندىرۋ پوليستەرٸن قىمبات ۇسىناتىن زاڭسىز دەلدالدار تۋرالى ەسكەرتكەن. رەتتەۋشٸ مٸندەتتٸ ساقتاندىرۋ بويىنشا دەلدالدىق قىزمەتكە تىيىم سالىنعانىن, پوليستٸ ليتسەنزيياسى بار ساقتاندىرۋ كومپانييالارى ارقىلى تٸكەلەي رەسٸمدەۋ كەرەگٸن ەسكە سالدى.

پوليستٸ ونلاين رەسٸمدەۋ مٷمكٸندٸگٸ تەۋلٸك بويى قامتاماسىز ەتٸلۋگە تيٸس. ال ينتەرنەت-سەرۆيس ٸستەمەسە, جٷرگٸزۋشٸ كومپانييا كەڭسەسٸنە جازباشا ٶتٸنٸشپەن جٷگٸنە الادى.

ساقتاندىرۋ رەسٸمدەلمەسە, جٷرگٸزۋشٸلەرگە سايتتاعى اقاۋلاردى سكرينشوت نەمەسە ۆيدەوعا تٷسٸرٸپ, كومپانيياعا جازباشا ٶتٸنٸش قالدىرۋ ۇسىنىلادى. مەسەلە شەشٸلمەسە, قارجى نارىعىن رەتتەۋ جەنە دامىتۋ اگەنتتٸگٸنە eOtinish.kz ارقىلى شاعىمدانۋعا بولادى. كەڭەس الۋ ٷشٸن 1459 نٶمٸرٸنە حابارلاسۋعا مٷمكٸندٸك بار.

بۇرىنعى پوليستٸڭ مەرزٸمٸ اياقتالسا, جاڭا ساقتاندىرۋسىز كٶلٸك جٷرگٸزۋگە بولمايدى. سايت ٸستەمەۋٸ نەمەسە شاعىم تٷسٸرۋ جٷرگٸزۋشٸنٸ مٸندەتتٸ ساقتاندىرۋ تالابىنان بوساتپايدى.