"قول-اياعىمدى بايلاپ, باسىمنان ۇردى": اتىراۋدا 90 جاستاعى قارييا تۋعان ۇلىن جازالاۋدى تالاپ ەتتٸ

"قول-اياعىمدى بايلاپ, باسىمنان ۇردى": اتىراۋدا 90 جاستاعى قارييا تۋعان ۇلىن جازالاۋدى تالاپ ەتتٸ
ۆيدەودان سكرينشوت

اتىراۋ وبلىسىندا 90 جاسقا تاياعان قارييا ٶزٸن ۇرىپ-سوقتى دەپ ايىپتاعان تۋعان ۇلىنىڭ زاڭ الدىندا جاۋاپ بەرۋٸن تالاپ ەتٸپ وتىر. ەدٸلحان سيسەنوۆ سوت وتىرىسىنا ٶزٸ كەلٸپ, كەنجە بالاسىنىڭ ەرەكەتٸنەن كەيٸن دەنساۋلىعى ناشارلاپ, ينسۋلت العانىن مەلٸمدەدٸ, دەپ حابارلايدى dalanews.kz.

كتك تەلەارناسىنىڭ مەلٸمەتٸنشە, قىزىلقوعا اۋدانىنا قاراستى ساعىز اۋىلىنىڭ تۇرعىنى ەدٸلحان سيسەنوۆ سوت وتىرىسىنا قاتىسۋ ٷشٸن كٶرشٸلەس جىلىوي اۋدانىنا ارنايى بارعان. قارييا ٶزٸنٸڭ 47 جاستاعى كەنجە ۇلىنا قاتىستى قىلمىستىق ٸستٸڭ ەدٸل قارالۋىن تالاپ ەتٸپ وتىر.

جەبٸرلەنۋشٸنٸڭ ايتۋىنشا, بالاسى ونى ٷيگە قاماپ, قول-اياعىن سكوتچپەن بايلاعان. كەيٸن بٸرنەشە رەت باسىنان ۇرىپ, كٷش كٶرسەتكەن. قارييا وسى جاعدايدان كەيٸن دەنساۋلىعى كٷرت ناشارلاعانىن جەنە ينسۋلت العانىن ايتتى.

"تٶرت ايدان بەرٸ نەگە قامامايدى? مەنٸ قاماعانى, قول-اياعىمدى بايلاعانى, تاس تٶبەمنەن ۇرا بەردٸ. سول ۇرعاننىڭ زاردابىنان ينسۋلت الدىم. باسىمدا ۇرا بەرگەننٸڭ زاردابى جينالدى. ۇرىپ, جىعىپ, بەرٸن العان دا, كيٸم-كەشەگٸمدٸ بەرمەي قويدى. قازٸر بالالاردىڭ كيٸمٸن كيٸپ جٷرمٸن", – دەدٸ ەدٸلحان سيسەنوۆ.

جەبٸرلەنۋشٸنٸڭ سٶزٸنشە, وقيعا 2026 جىلدىڭ ماۋسىم ايىندا بولعان. ەدٸلحان سيسەنوۆ بۇعان دەيٸن دە كەنجە بالاسىنىڭ بٸرنەشە رەت كٷش كٶرسەتكەنٸن, الايدا قۇقىق قورعاۋ ورگاندارىنان تيٸستٸ كٶمەك الا الماعانىن مەلٸمدەدٸ.

اۋىلدا مەسەلەسٸنٸڭ شەشٸمٸن تابا الماعان قارييا كەيٸن قالاعا بارىپ, جۋرناليستەرگە سۇحبات بەرگەن. ونىڭ وقيعاسى بۇقارالىق اقپارات قۇرالدارىندا جارييالانعاننان كەيٸن قوعامدا قىزۋ تالقىلانىپ, قۇقىق قورعاۋ ورگاندارىنىڭ نازارىنا ٸلٸككەن. كەيٸن قارت ادامعا كٷش قولدانۋ دەرەگٸ بويىنشا ونىڭ كەنجە ۇلىنا قاتىستى قىلمىستىق ٸس قوزعالعان. الايدا ايىپتالۋشى قاماۋعا الىنباعان.

ٸس بويىنشا ايىپتالۋشى – ەدٸلحان سيسەنوۆتٸڭ 47 جاستاعى كەنجە ۇلى. ول ەكەسٸنٸڭ قارا شاڭىراعىندا تۇرعان. سوت وتىرىسىندا ەر ادام ٶزٸنە تاعىلعان ايىپتى مويىنداماعان. ال قارييانىڭ جاقىندارى سوتقا قاتىسىپ, جەبٸرلەنۋشٸنٸڭ قۇقىعى قورعالۋىن جەنە ٸستٸڭ ەدٸل قارالۋىن تالاپ ەتتٸ.

تۋىستارىنىڭ ايتۋىنشا, بۇل – اتالعان قىلمىستىق ٸسكە قاتىستى ٷشٸنشٸ سوت وتىرىسى. ولار قارييانىڭ دەنساۋلىعى بٸرتٸندەپ جاقسارىپ كەلە جاتقانىن جەتكٸزدٸ.

"ساعىز ستانساسىنان كەلٸپ تۇرمىز. وسىمەن ٷشٸنشٸ رەت. تۋعان اعامىز ٷشٸن كەلٸپ وتىرمىز عوي. قولىمەن ٸستەگەندٸ موينىمەن كٶتەرسٸن. اعايىننىڭ بەرٸمەن قازٸر اراز بولدىق, وسى بالانىڭ قىلىعىنان. اۋىرىپ قالىپ ەدٸ, قازٸر جاقسى, ەسٸ ورنىنا كەلٸپ جاتىر. ٶتكەندە ميكروينسۋلت الدى عوي", – دەدٸ جەبٸرلەنۋشٸنٸڭ قارىنداسى كەنجەتاي سيسەنوۆا.

ەدٸلحان سيسەنوۆ بۇعان دەيٸن قۇقىق قورعاۋ ورگاندارىنا ارىزدانعانىمەن, تيٸستٸ شارا قولدانىلماعانىنا شاعىمدانعان. قارييا كەنجە ۇلىنىڭ بۇرىن ٸشكٸ ٸستەر سالاسىندا قىزمەت ەتكەنٸن دە ايتىپ, وسى جاعدايدىڭ ٸستٸڭ ەدٸل قارالۋىنا ەسەر ەتۋٸ مٷمكٸن ەكەنٸنە الاڭداۋشىلىق بٸلدٸرگەن. ونىڭ ايتۋىنشا, بٸرنەشە اي ٶتسە دە ۇلىنىڭ قاماۋعا الىنباۋى ٶزٸنە تٷسٸنٸكسٸز. سوندىقتان جەبٸرلەنۋشٸ سوتقا ٶزٸ كەلٸپ, بالاسىنىڭ ەرەكەتٸنە زاڭ اياسىندا باعا بەرٸلۋٸن تالاپ ەتٸپ وتىر. ال تۋىستارى قارييانىڭ دەنساۋلىعىنا كەلگەن زيياندى ەسكەرٸپ, ٸستٸڭ ەدٸل شەشٸلگەنٸن قالايدى.